«ՖՈԼԿԱՆԻՎ» կրթական նախագծի շրջանակում Ժողովրդական արվեստների թանգարանը շարունակում է ներկայացնել հայկական տոնացույցի մաս կազմող տոներին նվիրված կրթական ծրագրեր, որոնց շարքում Բարեկենդանին հաջորդում են Ծաղկազարդը և Սուրբ Հարության տոնը։
Սբ․ Հարության տոնը կամ Զատիկը հայկական տոնացույցի կարևորագույն և Հայ Առաքելական Եկեղեցու 5 տաղավար տոներից մեկն է, որը շարժական է: Հիմնական կողմնորոշումը գարնանային օրահավասարն է՝ մարտի 21-ը։
Զատիկը նշանակում է հին ու նոր տարիների զատում, բաժանում։ Այն նաև տնօրհնեքի օր էր, իսկ պատանիները շրջում էին՝ զամբյուղները ձվիկներով լցնելու և դրանցով տարատեսակ խաղեր կազմակերպելու նպատակով:
Ծաղկազարդի կրթական ծրագրի շրջանակում մասնակիցները ավանդական զարդանախշերով կնկարեն ձվիկների վրա և կսովորեն զատկական խաղեր։