Բարեկենդանը հայ Առաքելական եկեղեցու շարժական տոներից մեկն է, որը նշվում է Սուրբ Սարգսի տոնից մինչև Մեծ Պահքն ընկած ժամանակահատվածում՝ խորհրդանշելով ուրախություն, լիություն և կյանքի հանդեպ երախտագիտություն:
Բարեկենդանի տոնի շրջանակում փետրվարի 13-ին Երևանի պատմության թանգարանում տեղի ունեցավ բանախոսություն՝ նվիրված տոնի խորհրդաբանությանը, ավանդույթներին և մշակութային նշանակությանը։ Միջոցառման ընթացքում «Հայ խոհարարական ավանդույթների զարգացման և պահպանման» ՀԿ նախագահ Սեդրակ Մամուլյանը ներկայացրեց բարեկենդանյան ավանդական ուտեստների ծագումն ու խորհրդանշական իմաստը։