Հայաստանի պատմության թանգարանում գործում է ՀՀ ԿԳՄՍ նախարարության դրամաշնորհային աջակցությամբ բացված «Դրվագներ ինքնության. գորգ» խորագրով ժամանակավոր ցուցադրությունը, որում ներառված է Հայաստանի պատմության թանգարանի ազգագրության ֆոնդում պահվող գորգերից մի արժեքավոր ընտրանի։
Ցուցադրության նպատակն է հանրությանն ի ցույց դնել Հայաստանի պատմության թանգարանում պահվող գորգերի և կարպետագործ առարկաների դեռևս չցուցադրված նմուշները, որոնք էապես կնպաստեն գորգագործական ավանդույթի ներկայացման և բացահայտման գործին։
Ցուցադրության շրջանակում երեխաների համար գործում է նաև «Տատիկիս գործած գորգը» խորագրով կրթական ծրագիրը։ Իսկ թանգարանի վաճառասրահում ներկայացված են հայկական գորգերի զարդամոտիվներով փոքրիկ կարպետներ, որոնք պատրաստվել են «Դրվագներ ինքնության․գորգ» ցուցադրության շրջանակում՝ Երևանի պետական հումանիտար քոլեջի հետ համագործակցությամբ։
Add a Comment