Օգոստոսի 15-ին Ժողովրդական արվեստների թանգարանի Ավանդական արհեստների գիտական ուսումնասիրման բաժնի վարիչ Կարինե Բազեյանը հանդես է եկել «Ասեղնագործությունը հայոց առաջնային արտադրության մշակույթում 18-ից 20-րդ դարի սկզբին» թեմայով զեկուցմամբ` ՀՀ ԳԱԱ Շիրակի հայագիտական հետազոտությունների կենտրոնում անցկացված «Ազգագրական և բանագիտական ընթերցումներ» 5-րդ հանրապետական գիտաժողովի շրջանակում: Նույն օրը կայացել է նաև Կ․ Բազեյանի «Գործվածքի մշակույթը Շիրակում 19-20-րդ դդ.» մենագրության շնորհանդեսը։