Կարպետագործության վարպետության դաս Դիլիջանում

Կարպետագործության վարպետության դաս Դիլիջանում  

Իրադարձություններ
Կարպետագործության վարպետության դաս Դիլիջանում

Green Rock հիմնադրամը, նպատակ ունենալով պահպանել և տարածել հայկական մշակութային ժառանգությունը,Հայկական գործվածքի թանգարանի հետ համագործակցությամբ, մեկնարկում է արվեստի տարբեր ճյուղերին նվիրված վարպետության դասերի շարք Դիլիջանում։

Այս վարպետության դասերը «Ամառային ծրագրի» մի մասն են, որը շարունակվելու է ամբողջ ամառվա ընթացքում՝ համախմբելով մշակույթի, ստեղծագործության և ավանդույթների սիրահարներին։

Շարքի առաջին հանդիպումը նվիրված է հայկական կարպետագործության արվեստին՝ մասնակիցներին հնարավորություն ընձեռելով ծանոթանալու հայկական արհեստագործական մշակույթի կարևորագույն ավանդույթներից մեկին։

Ժամը և օրը՝ 11.06.2026, 15:30–17:30

Վայրը՝ Հայկական գործվածքի թանգարանի պատշգամբ, Կալինինի փողոց 1, Դիլիջան

Ժողովրդական արվեստների թանգարանի «ՖՈԼԿԱՆԻՎ» կրթական ծրագիրը Գորիսում

Ժողովրդական արվեստների թանգարանի «ՖՈԼԿԱՆԻՎ» կրթական ծրագիրը Գորիսում 

Իրադարձություններ
Ժողովրդական արվեստների թանգարանի «ՖՈԼԿԱՆԻՎ» կրթական ծրագիրը Գորիսում

Հովհաննես Շարամբեյանի անվան Ժողովրդական արվեստների թանգարանը «ՖՈԼԿԱՆԻՎ» ծրագրի շրջանակներում Հրանտ Բաղդագյուլյան արվեստանոցի հետ համատեղ հայտարարում է ընդունելություն ժանեկագործության խմբակում։

Դասընթացը լիովին անվճար է, կարող են գրանցվել 14-100 տարեկան բոլոր ցանկացողները։

– Մեկնարկը՝ հունիսից

– Շաբաթվա օրեր՝ շաբաթ և կիրակի

– Տևողությունը՝ 3 ամիս

– Դասընթացավար՝ Իրինա Գրիգորյան

– Վայր՝ Գորիսի Հրանտ Բաղդագուլյանի արվեստանոց (Սյունիքի 14):

Գրանցվելու համար կարող եք զանգահարել +374 94 943053 հեռախոսահամարով։

Ծրագիրն իրականացվում է ՀՀ ԿԳՄՍ նախարարության աջակցությամբ:

Հանրապետության (1)

Հանրապետության տոնը Հայոց ազգագրության և ազատագրական պայքարի պատմության թանգարանում

Իրադարձություններ
Հանրապետության (1)

Մայիսի 28-ին Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության թանգարանում տեղի ունեցավ միջոցառում, որի ընթացքում թանգարանին նվիրաբերվեցին «Կարին» ավանդական երգի-պարի խմբի հիմնադիր, պարագետ, մշակույթի վաստակավոր գործիչ Գագիկ Գինոսյանի անձնական իրերը, որոնք համալրեցին նորաբաց «Հայկական ժողովրդական պարարվեստ» մշտական ցուցադրությունը։

Կազմակերպվեց նաև հայ ավանդական պարերի բաց դաս՝ «Ծովակ» ավանդական երգի-պարի խմբի կողմից։

Լուսանկարը՝ Տիգրան Մադոյանի։

«Պարենք, երգենք միասին»

«Պարենք, երգենք միասին»

Իրադարձություններ
«Պարենք, երգենք միասին»

Կոմիտասի թանգարան-ինստիտուտում հունիսի 5-ին՝ ժամը 19։00-ին, տեղի կունենա ավանդական դարձած «Պարենք, երգենք միասին» միջոցառումը։
Ի՞նչ է սպասվում․

– հայ ավանդական պարերի ուսուցում՝ «Արեգ» ազգային պարի խմբի հետ (գեղարվեստական ղեկավար, պարուսույց՝ Արտավազդ Այվազյան),

-հայ ժողովրդական երգերի ուսուցում՝ Հասմիկ Բաղդասարյան-Դոլուխանյանի հետ։

Մասնակցության արժեքը՝ 1000 դրամ։
—
Երևան, Արշակունյաց 28
+374 11 570 570

«Հիշողության թելեր» ծրագիր

Անդրադարձ «Հիշողության թելեր» ծրագրին

Իրադարձություններ
Անդրադարձ

ՅՈՒՆԵՍԿՕ-ի 2003թ․ «Ոչ նյութական մշակութային ժառանգության պաշտպանության մասին» կոնվենցիայի «Եվրոպական համակարգողների ցանց» նախաձեռնության տեղեկագրի 11-րդ թողարկման մեջ տեղ է գտել ՀՀ ԿԳՄՍ նախարարության մշակութային ժառանգության վարչության գլխավոր մասնագետ Նաիրա Կիլիչյանի անդրադարձը «Հիշողության թելեր» ծրագրին։

Ծրագիրը միավորում է սերունդներին՝ պահպանելու և փոխանցելու հայկական մշակութային ժառանգությունը։ Այն նպաստում է տարեցների սոցիալական ներառմանը և սփյուռքահայ երիտասարդների կապի ամրապնդմանը հայրենիքի հետ։

Դասերը վարում է ժողովրդական վարպետ Արմինե Խաչատրյանը։

Ծրագիրն իրականացվում է ՀՀ կրթության, գիտության, մշակույթի և սպորտի նախարարության աջակցությամբ՝ Տարեցների առողջության և խնամքի ապահովման ասոցիացիայի կողմից։

«Կոմիտասական» ամառային դպրոց

«Կոմիտասական» ամառային դպրոց 

Իրադարձություններ
«Կոմիտասական» ամառային դպրոց

Սիրված ԿՈՄԻՏԱՍԱԿԱՆ ամառային դպրոցը վերադառնում է։

Ե՞րբ | Հուլիսի 6-11-ը

Որտե՞ղ | Կոմիտասի թանգարան-ինստիտուտում (Երևան, Արշակունյաց 28)

Ովքե՞ր կարող են մասնակցել | 7-14 տարեկանները

Ի՞նչ է սպասվում․

  • ծանոթացում Կոմիտաս Վարդապետի կյանքին ու գործունեությանը,
  • երաժշտական գիտելիքների զարգացում,
  • Կոմիտաս Վարդապետի կերպարի բացահայտում՝ գրականության, քանդակագործության և արվեստի այլ ճյուղերում,
  • նվագարանների առանձնահատկությունների ու հնարավորությունների ուսումնասիրում,
  • ստեղծագործական աշխատանք, երգ ու պար,
  • մասնակցություն թիմային աշխատանքների,
  • նոր ծանոթություններ և ընկերներ։

Մասնակցության համար երաժշտական կրթություն չի պահանջվում։ Մասնակիցներն ավարտին կստանան վկայականներ։ Արժեքը՝ 35․000 ՀՀ դրամ (սնունդը ներառյալ)։

Մասնակցության համար լրացրե՛ք դիմում-հայտը․ https://tinyurl.com/avuc7szh

Հայտերի ընդունման վերջնաժամկետ՝ հունիսի 30։

+374 (11) 570 570
[email protected]

Արհեստների միջազգային 5-րդ փառատոնը Մեղրիում

Արհեստների միջազգային 5-րդ փառատոնը Մեղրիում

Իրադարձություններ
Արհեստների միջազգային 5-րդ փառատոնը Մեղրիում

Մայիսի 16-17-ին ԱՊՀ 2026 թվականի մշակութային մայրաքաղաք Մեղրիում հաջողությամբ կայացավ Արհեստների միջազգային 5-րդ փառատոնը, որն այս տարի կրում էր «Ստեղծարար համայնք, կայուն ապագա» խորագիրը։

Երկօրյա տոնական մթնոլորտը համախմբել էր արհեստագործ վարպետների աշխարհի 11 երկրներից (Հայաստան, Վրաստան, Իրան, Ռուսաստան, Ղազախստան, Ղրղզստան, Ուզբեկստան, Թուրքմենստան, Բելառուս, Տաջիկստան)։ Փառատոնի այցելուները հնարավորություն ունեցան ոչ միայն հիանալու ավանդական արհեստների բազմազանությամբ, այլև անձամբ մասնակցելու խեցեգործության, թաղիքագործության, կարպետագործության և այլ մասնագիտացված վարպետաց դասերի։

Միջոցառման մշակութային բաղադրիչը հարստացրին լարախաղաց Մամիկոնի ավանդական ելույթը, «ԼՈՖԹ-ՄԵՂՐԻ» կենտրոնի «Փնտրելով արևին» ինտերակտիվ քվեստը, «Պահպանի՛ր ակնթարթը» ֆոտոգոտին և «Կաթիլ» բենդի, «Մանել» երգչախմբի ու «Վարը Վարենկ» նախաձեռնության համերգային ծրագրերը։

Հովհաննես Շարամբեյանի անվան ժողովրդական արվեստների թանգարանն իր երախտագիտությունն է հայտնում ՀՀ ԿԳՄՍ նախարարությանը, Մեղրիի համայնքապետարանին, Մշակույթի զարգացման հիմնադրամին, ԱՊՀ անդամ պետությունների հումանիտար համագործակցության միջպետական հիմնադրամին, ինչպես նաև բոլոր գործընկերներին, աջակիցներին և այցելուներին՝ այս կարևոր մշակութային տոնը համատեղ ուժերով իրականություն դարձնելու համար:

«Ուդուլի» տոլմայի համահայկական փառատոն

«Ուդուլի» տոլմայի համահայկական փառատոն 

Իրադարձություններ
«Ուդուլի» տոլմայի համահայկական փառատոն

Մայիսի 24-ին Զվարթնոցում տեղի ունեցավ Տոլմայի համահայկական 13-րդ փառատոնը։ Ծրագրում՝ մասնակից տաղավարների ցուցադրություն, խոհարարական մրցույթ, մրցույթի ամփոփում և գնահատում, մշակութային մաս, վարպետության դասեր։

«Թանգարանների գիշերը» Ժողովրդական արվեստների թանգարանում

«Թանգարանների գիշերը» Ժողովրդական արվեստների թանգարանում 

Իրադարձություններ
«Թանգարանների գիշերը» Ժողովրդական արվեստների թանգարանում

«Թանգարանների գիշեր» համաեվրոպական միջոցառման շրջանակներում Երևանի Հովհաննես Շարամբեյանի անվան ժողովրդական արվեստների թանգարանում և Դիլիջանի մասնաճյուղում՝ Հայկական գործվածքի թանգարանում, անցկացվեցին մշակութային բազմաբովանդակ միջոցառումներ և կրթական ծրագրեր:

Այցելուների համար կազմակերպված մասնագիտացված վարպետաց դասերը հրաշալի հնարավորություն ընձեռեցին հաղորդակից դառնալու ավանդական արհեստների ու ձեռագործ արվեստի գաղտնիքներին՝ ստեղծելով յուրահատուկ կապ սերունդների և մշակութային ժառանգության միջև: