Արագածոտնի մարզպետի աշխատակազմի նախաձեռնությամբ ապրիլի 2-ին Պերճ Պռոշյանի տուն-թանգարանի բակում (Աշտարակ) հանդիսավորությամբ նշվեց Ծաղկազարդ եկեղեցական և ժողովրդական տոնը, որը նշանավորում է Քրիստոսի հաղթական մուտքը Երուսաղեմ:
Մասնակցում էին մարզպետարանի ներկայացուցիչներ, դպրոցականներ, մշակութասերներ։
Միջոցառմանը ելույթ ունեցավ Ռուդիկ Հարոյանի անվան «Մասունք» ավանդական երգի-պարի համույթը՝ ներկաներին համախմբելով ազգային պարերի, խաղիկների շուրջ։ Կարևորվեց օրվա խորհուրդը, պատմեցին տոնին նվիրված ավանդություններ։
Տոնակատարության մասնակիցները միմյանց նվիրեցին խորհրանշական ուռենու ճյուղեր։