edmon

Ֆրանսահայ ծաղրանկարչի գործերը զարդարել են Paris Match, Vogue, Glamour և PlayBoy ամսագրերի էջերը

Հայազգի Էդմոն Քիրազին համարում են ժամանակակից աշխարհի ամենավառ ծաղրանկարիչը, որի պատկերազարդումները դեռևս 20-րդ դարի կեսերից դարձել են քաղաքականության, հասարակական կյանքի և համոզմունքների անբաժան մասը:

Ինչպես գրում է Rusarminfo-ն, Քիրազը ծնվել է 1923 թվականին Կահիրեում՝ Թուրքիայից Եգիպտոս հասած Լևոն Քիրազի և Էլիզ Սեթյանի ընտանիքում: Իր առաջին քաղաքական ծաղրանկարները 17 տարեկանում հրատարակել է եգիպտական թերթերում:

1946-ին ընտանիքով տեղափոխվել է Փարիզ, որտեղ էլ նկատել են երիտասարդ նկարչի տաղանդը: 1950-ականներին արդեն քաղաքական թեմայով նրա ծաղրանկարները հայտնվում էին ֆրանսիական թերթերում, ինչպիսիք են La Bataille-ն, Le Rouge et le Noir-ը, Samedi Soir-ը և Ici Paris-ն:

1960-ականներին ստեղծված պատկերազարդումները, որոնք ներկայացնում էին Փարիզի կանանց բարոյական սկզբունքները, տպագրվել են տարբեր ֆրանսիական հրատարակությունների կողմից, ինչպես օրինակ՝ Paris Match, Vogue, Glamour ամսագրերի, ինչպես նաև Իսպանիայում և Իտալիայում հայտնի թերթերի:

1970-ականներին նրա աշխատանքներից ոգեշնչված՝ PlayBoy ամսագրի երջանկահիշատակ հիմնադիր Հյու Հեֆերնը Քիրազին առաջարկել է հումորային պատմություններ ստեղծել տղամարդկանց ամսագրի համար:

Իր ողջ կարիերայի ընթացքում ֆրանսահայ ծաղրանկարիչը համագործակցել է խոշորագույն գովազդային գործակալությունների հետ, այդ թվում և գերմանական Nivea գերմանական ընկերության արտադրանքների գովազդների համար:

Այսօր էլ Էդմոն Քիրազը շարունակում է իր ստեղծագործական աշխատանքը և վարպետաց դասեր է տալիս Ֆրանսիայում և Եվրոպայի այլ երկրներում:

charles-azn

Ես հույս ունեմ երգել մինչև 100 տարեկան դառնալս. Շառլ Ազնավուր

Ֆրանսահայ լեգենդար շանսոնյե Շառլ Ազնավուրը ֆրանսիական «Ֆիգարո» պարբերականին տված հարցազրույցում ասել է, որ հույս ունի երգել մինչև 100 տարեկան դառնալը։ «Հուսով եմ, տեսնենք…»,- ասել է շանսոնյեն լրագրողին։ 93-ամյա լեգենդար երգիչը հայտնել է, որ նա «գործող» ամենածեր երգիչն է աշխարհում։ «Թոնի Բենեթն ընդամենը 91 տարեկան է, երեխա է դեռ»,- կատակել է շանսոնյեն։ Պարբերականը գրում է, որ Ազնավուրը, չնայած իր տարիքին, չի կորցրել իր պատանեկան ոգին։ 93 տարեկանում նա դեռ համերգներ է տալիս և դահլիճներ լցնում։ Հիշեցնենք, որ օգոստոսին Հոլիվուդի Փառքի ծառուղում բացվել է աշխարհահռչակ շանսոնյեի անվանական աստղը: Ազնավուրի ժողովրդականությունը տարածվել է տարբեր սերունդների շրջանում: Պատահական չէ, որ 1998-ին CNN-ի և Time-ի առցանց հարցման արդյունքում Շառլ Ազնավուրը ճանաչվել է «20-րդ դարի արտիստ»՝ շրջանցելով այնպիսի հանրահայտ կատարողների, ինչպիսիք են Էլվիս Փրեսլին, Բոբ Դիլանը և Ֆրենկ Սինատրան: Շառլ Ազնավուրը միջազգային ասպարեզում ռեկորդային 180 մլն ձայնասկավառակ է վաճառել: Իր կարիերայի ընթացքում նա 1400 երգ է ձայնագրել, որոնցից 1300-ի հեղինակն ինքն է: Շանսոնյեն 390 ալբոմ է թողարկել բազմաթիվ լեզուներով՝ ֆրանսերեն, հայերեն, անգլերեն, ռուսերեն, գերմաներեն, իտալերեն, իսպաներեն:

cicernask

ՀՀ մշակույթի նախարարության նախաձեռնությամբ կկայանա «Ծիծեռնակ» ազգային երաժշտական մրցանակաբաշխություն

ՀՀ մշակույթի նախարարության նախաձեռնությամբ 2018 թ. մարտի 31-ին, Ա. Սպենդիարյանի անվան օպերայի և բալետի ազգային ակադեմիական թատրոնում կկայանա «Ծիծեռնակ» ազգային երաժշտական մրցանակաբաշխությունը:

Մրցանակաբաշխությունը կիրականացվի հետևյալ անվանակարգերում.

  • Դասական ժանրում լավագույն երաժշտախումբ

  • Դասական ժանրում լավագույն երաժիշտ-կատարող (վոկալ, գործիք)

  • Դասական ժանրում լավագույն ալբոմ

  • Լավագույն համերգային ծրագիր

  • Լավագույն տեսահոլովակ

  • Ժողովրդական ժանրում լավագույն երաժշտախումբ

  • Ժողովրդական ժանրում լավագույն երաժիշտ-կատարող (վոկալ, գործիք)

  • Ժողովրդական ժանրում լավագույն ալբոմ

  • Լավագույն համերգային ծրագիր

  • Լավագույն տեսահոլովակ

Մասսայական (POP) ժանրում.

  • Լավագույն երգիչ, երգչուհի

  • Լավագույն ռոք խումբ

  • Լավագույն ջազ խումբ կամ կատարող

  • Լավագույն ալբոմ

  • Տարվա հիթ

  • Լավագույն համերգային ծրագիր

  • Լավագույն տեսահոլովակ

Մրցանակաբաշխությանը կարող են մասնակցել 2017 թ. ընթացքում երաժշտական տարբեր ժանրերում իրականացված ծրագրեր, ստեղծագործող անհատ կատարողներ և խմբեր, ձայնագրման ստուդիաներ, հեռուստաընկերություններ և ռադիոընկերություններ:

Մրցանակաբաշխությանը մասնակցելու հայտ կարող են ներկայացնել ինչպես իրավաբանական (պետական և մասնավոր կազմակերպություններ), այնպես էլ ֆիզիկական անձիք (ստեղծագործողներ, կատարողներ, պրոդյուսերներ և այլք):

Մրցանակաբաշխության արդյունքները կամփոփեն մրցութային հեղինակավոր հանձնաժողովները:

Մրցույթի արդյունքները կամփոփվեն ներկայացված հայտերի հիման վրա: Մրցույթին կմասնակցի այն անվանակարգը, որին ներկայացված է առնվազն երկու հայտ: Հայտը պետք է ներկայացվի համաձայն կից ձևաչափի: Ներկայացված նյութերը հայտատուին չեն վերադարձվելու:

Մրցանակաբաշխության մասնակցության հայտերն ընդունվում են 2017 թ. դեկտեմբերի 18-ից փետրվարի 28-ը, ժամը 10:00-ից մինչև 17:00` բացի շաբաթ և կիրակի օրերից, Երևանի թատրոնի և կինոյի պետական ինստիտուտում (հասցե` Ամիրյան 26, 3-րդ հարկ, 321 սենյակ):

Տեղեկությունների համար զանգահարել +374 94 973771, էլեկտրոնային հասցե` [email protected]:

petakan-mamuli-hratarakum

Հայտնի են «Ոչ պետական մամուլի հրատարակում» ծրագրով 2018-ին պետական աջակցություն ստացողների անունները

Նախապես հրապարակված ծանուցման կարգի համաձայն՝ ՀՀ մշակույթի նախարարությունն ընդունել է հայտեր «Ոչ պետական մամուլի հրատարակում» ծրագրով նախատեսված սուբսիդիայի տարամադրման համար: Հայաստանի Հանրապետության մշակույթի նախարարին կից գործող մասնագիտական խորհուրդը քննել է ստացված հայտերը և ձևավորել 2018 թվականին պետական աջակցություն ստացող կազմակերպությունների ցանկը: 

«Խորհուրդը որոշել է «Ոչ պետական մամուլի հրատարակում» ծրագրով պետական աջակցություն տրամադրել երկու հիմնական շեշտադրմամբ. զուտ մշակութային ուղղվածության մամուլ և մեծ տարածում ունեցող մամուլ՝ մշակութային հատվածով: Որպես քաղաքական ուղղվածություն՝ պետական աջակցություն ստացողների ցանկում նաև ազգային փոքրամասնությունների ու մարզային մամուլն է»: 

Մշակույթի նախարարի տեղակալ Ներսես Տեր-Վարդանյանն իր խոսքում հավելում է, որ նախորդ տարիների համեմատ, պետության օժանդակությունն ակնկալող լրատվամիջոցների ներկայացրած հայտերի քանակն այս տարի էապես չի փոխվել, բայց և ստացվել են  նոր հայտեր՝ սահմանված նոր պահանջների ու շեշտադրումների համաձայն: Մասնավորապես, պետական օժանդակություն ակնկալող լրատվամիջոցների ցանկում ավելացել են արվեստի քննադատություն պարունակող տպագիր և էլեկտրոնային լրատվամիջոցները. 

«Խորհրդի նոր շեշտադրումների թվում նաև հնարավորինս մեծ տարածում ունեցող մամուլում մշակութային հատվածի օժանդակությունն էր: Այս հարցում կար երկմտանք. եթե լրատվամիջոցն ունի մեծ տարածում, ինչու՞պետք է  պետությունն օժանդակի: Սակայն կա խնդրի երկրորդ կողմը՝ մեծ տարածում ունեցող լրատվամիջոցով ավելի արդյունավետ է իրականացնել մշակույթի լուսաբանումը, ինչը մեր հիմնական նպատակն է: Հակառակ դեպքում՝ մենք պետք է գործ ունենանք միայն փոքր սպառում ունեցող մամուլի հետ: Այս տարի ավելի խիստ է մոտեցումը մարզային մամուլի հանդեպ, որովհետև ժամանակի պահանջները ենթադրում են ավելի բարձր որակ և մրցունակություն: Մարզային և մայրաքաղաքային մամուլի միջև տարբերությունն այսօր  մոտավորապես այնքան է, որքան դրանց մշակութային կյանքի միջև եղած տարբերությունը: Շատ անելիք կա և՛ բովանադակային, և՛ տեխնիկական լուծումների առումով: Մարզային մամուլում գրեթե բացակայում է էլեկտրոնայինը»: 

Որակի հանդեպ վերահսկողությունն, ըստ փոխնախարարի, ընդհանուր առմամբ խստացվել է. յուրաքանչյուր եռամսյակը մեկ կստուգվեն պետության կողմից ֆինանսավորվող լրատվամիջոցների և՛ որակը, և՛ տարածվածությունը: Հետագա ֆինանսավորումը կախված կլինի գրանցված արդյունքից: Փոխնախարարն, այդուհանդերձ, շեշտում է. 

«Նախարարության առաջադրած խնդիրը հիմնականում առավելագույն տարածումն է՝ չմիջամտելով բովանդակությանը: Բովանդակային առումով լրատվամիջոցը միանգամայն ազատ է: Երկրորդ կարևոր պայմանը, որին ուշադրություն է դարձվում, հեղինակային նյութերի հնարավորինս մեծ չափաբաժինն է: Պետական աջակցության համար դիմող լրատվամիջոցներում  նյութերի առնվազնն 75 տոկոսը պետք է լինի հեղինակային: Ազգային փոքրամասնությունների մամուլի աջակցման դեպքում հատուկ ուշադություն է դարձվել լեզվի պահպանման խնդրին, նրանց մշակութային  և, առհասարակ,  համայնքի կյանքի լուսաբանմանը»: 

«Ոչ պետական մամուլի հրատարակում» ծրագրով 2018-ին պետական աջակցություն ստացողների անունները՝ ստորև.

mexica

«Մեքսիկա. մոռացվող ձայներ». միջոցառում՝ նվիրված մեքսիկական մշակույթին

Միջոցառման մասնակիցները աուդիո-ֆիլմի միջոցով հնարավորություն կունենան տեղափոխվելու Մեքսիկա՝ մեքսիկական ավանդույթների և սովորույթների գունագեղ աշխարհ, տեղեկություններ ստանալու Մեքսիկայում բնակվող հնդկացիների 65 ցեղերի մասին, ծանոթանալու Նյանու ցեղի հեքիմի գործողություններին և վաղամեռիկ մի պոետի ստեղծագործություններին, որոնք կհնչեն հայերեն ու իսպաներեն լեզուներով:

 

Միջոցառման հեղինակը՝ ռեժիսոր Լուիս Արգույեսը ցանկանում է իր երկիրը ներկայացնել նոր դիտանկյունից, կենդանացնել և հայերի համար ճանաչելի ու հնչեղ դարձնել իր երկրի «մոռացվող ձայները»:

 

Մեքսիկական մշակույթին բնորոշ գեղարվեստորեն ձևավորվումը կուղեկցվի տեսապատկերների ցուցադրությամբ և մեքսիկական ոճի ֆուրշետով:

 

Միջոցառման մուտքը վճարովի է (1000 դրամ):

saryan

Համերգ՝ նվիրված Մ. Սարյանի տուն-թանգարանի 50-ամյակին

Ս. թ. դեկտեմբերի 8-ին, ժամը 19:00-ին, Մ. Սարյանի տուն-թանգարանում /Ղազարոս և Արաքսի Սարյանների անվան դահլիճ/ տեղի կունենա հայկական կամերային երաժշտության համերգ՝ նվիրված թանգարանի հիմնադրման 50-ամյակին:

Կատարումներով հանդես կգա «Արս լունգա» դուետը՝ Ջ. Վարդանյան (դաշնամուր), Ա. Թալալյան (թավջութակ):

Ծրագրում կհնչեն՝ Ղ. Սարյանի և Կոմիտասի ստեղծագործությունները:

Ազդագիրը ներբեռնել այստեղ:

russkiy-stil

Մոսկվայում տեղի ունեցավ «Ռուսական ոճ. ազգային ինքնության որոնումներում» խորագրով գիտաական կոնֆերանս

Մոսկվայում տեղի է ունեցել «Ռուսական ոճ. ազգային ինքնության որոնումներում» խորագրով գիտա-գործնական կոնֆերանս․


Ս. թ նոյեմբերի 21-24-ը «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի գիտահետազոտական բաժնի վարիչ, պատմական.գիտությունների թեկնածու Կ. Բազեյանը և Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարանի տնօրենի գիտական գծով տեղակալ, պատմական.գիտությունների թեկնածու Ս. Պողոսյանը մասնակցել են Դեկորատիվ-կիրառական և ժողովրդական արվեստի համառուսաստանյան թանգարանի կողմից Մոսկվայում կազմակերպած «XV գիտական ընթերցումներ նվիրված Մ. Վասիլենկոյի հիշատակին» միջազգային գիտա-գործնական կոնֆերանսին, որը կրում էր «Ռուսական ոճ. ազգային ինքնության որոնումներում» խորագիրը: Կոնֆերանսին մասնակցում էին Ռուսաստանի, ԱՊՀ և արտասահմանյան տարբեր երկրների 70 մասնագետներ` պատմաբաններ, արվեստագետներ, վերականգնողներ, անկախ հետազոտողներ և այլ ոլորտի ներկայացուցիչներ: Զեկուցումները վերաբերում էին դեկորատիվ-կիրառական արվեստում և դիզայնում առկա ազգային ավանդույթներին, թանգարանային առարկաների վերականգնման, գեղարվեստական արհեստագործության պահպանման ու զարգացման հարցերին, ինչպես նաև XXI դարում դեկորատիվ արվեստի, նորաձևության ու դիզայնի ցուցադրության և կազմակերպման հիմնախնդիրներին:

Կոնֆերանսին Կ. Բազեյանը ներկայացրել է զեկուցում «Հայկական ժանյակ. ավանդականն ու նորը» թեմայով, իսկ Ս. Պողոսյանը` «Հայկական ավանդական հագուստը որպես դիզայներական պրպտումների և նոր լուծումների աղբյուր» թեմայով, որոնք ուղեկցվել են համապատասխան պատկերագրական նյութի ցուցադրությամբ: Զեկուցումները մեծ հետաքրքրություն են առաջացրել ունկնդիրների շրջանում և նախանշել հետագա համագործակցության ծրագրեր` մասնավորապես ցուցահանդեսների կազմակերպման, կատալոգների հրատարակման և մի շարք այլ ոլորտներում:

arar

Ընդունելություն՝ Խաչիկ գյուղի «ԱՐԱՐ» կենտրոնի «Ազգային պար» բաժնում

«ԱՐԱՐ» կենտրոնը ստեղծվել է ՀՀ մշակույթի նախարար Արմեն Ամիրյանի և նախարարի խորհրդական Արսեն Գրիգորյանի մտահղացմամբ և նախաձեռնությամբ: Նպատակը Հայաստանի մարզերում ժողովրդական մշակույթի պահպանումն է, զարգացումը, տարածումն ու հանրահռչակումը:

Ծրագիրը կենտրոնանում է հետևյալ հիմնական ոլորտների վրա՝ ազգագրական երգ ու պար, կերպարվեստ, գորգագործություն ու կարպետագործություն, ժանյակագործություն ու ասեղնագործություն, խեցեգործություն, քարի, փայտի և մետաղի գեղարվեստական մշակում և խաչքարագործություն։

Ծրագրի իրականացման համար ՀՀ քաղաքներում և գյուղերում ընտրվել են համապատասխան ժողովրդական ստեղծագործության տեղաբնակ մասնագետներ, որոնք կիրականացնեն ժողովրդական մշակույթի տվյալ ճյուղի ուսուցումը:

erajshtutyun

Գործնական քայլեր՝ ուղղված ազգային երաժշտության և արվեստի պահպանմանը

ՎիվաՍել-ՄՏՍ-ի, Մշակույթի նախարարության և «ՊրոԱրտ» ընկերության գործակցության արդյունքում ստեղծված և ավստրիական ճանաչված SONY DADC ընկերության գործարանում հրատարակված՝ «Հայկական ժողովրդական նվագարաններ» ալբոմն իր պատվավոր տեղն է գտել Դիլիջանի ամենահին շինություններից մեկում: 19-րդ դարում այն իշխանուհի Մարիամ Թումանյանի համար ծառայել է որպես ամառանոց, իսկ խորհրդային տարիներից՝ ստանձնել է ժողովրդական արվեստի պահպանման առաքելությունը, հետագայում վերածվելով Ժողովրդական արվեստի կենտրոնի՝ Դիլիջանի մասնաճյուղ-թանգարանի: Այդ հարցում իր կարևոր ներդրում է ունեցել Վանից գաղթած, Դիլիջանի հին փողոցի նախագծման աշխատանքներին մասնակցած, վաստակավոր նկարիչ Հովհաննես Շարամբեյանը, ում անունն էլ կրում է թանգարանը: Այսօր թանգարանը ստեղծագործական մտքերի քննարկման յուրօրինակ հավաքատեղի է դարձել Դիլիջանի ստեղծագործների համար:

Ութ ձայնասկավառակից բաղկացած, թվայնացված «Հայկական ժողովրդական նվագարաններ» ալբոմը սերունդներին փոխանցվող ինքնատիպ ժառանգություն է: Այն դուդուկի, քանոնի, քամանչայի, թառի և ազգային երաժշտական ավելի քան 10 գործիքի համար գրված ստեղծագործությունների հավաքածու է: Շուրջ 1000 օրինակով թողարկված ալբոմը ստեղծվել է Հայաստանի հանրային ռադիոյում պահպանվող ձայնագրությունների և մասնավոր հավաքածուների հիման վրա, ալբոմի ստեծմանը մասնակցել են Հայաստանի լավագույն դիզայներները, թարգմանիչները, հնչյունային ինժեներները, երաժշտագետները և մշակութային գործիչները, իսկ ստեղծագործությունները ներկայացնում են հայտնի կատարողները:
 
Թանգարանի ցուցադրությունների շունչն ու ոգին լրացնող ազգային երաժշտությունը, կնպաստի նաև հայկական նվագարանների նկատմամբ հետաքրքրության մեծացմանը և մարզում մշակութային կյանքի աշխուժացմանը: Ալբոմը նախատեսված չէ վաճառքի համար և տրամադրվելու է ազգային երաժշտության տարածմանն աջակցող հաստատություններին:
 

«Մշակույթը յուրաքանչյուր ազգի հոգևոր նկարագիրն է: Ժամանակին համահունչ լինելով հանդերձ՝ անհրաժեշտ է հնարավորության սահմաններում մաքուր պահել ազգը սնող աղբյուրը: Որքան էլ անսպասելի հնչի՝ այդ հարցում անչափ մեծ է մարզերի դերը: Մեր այստեղ լինելը պատահական չէ. եթե ձեզ հաջողվել է աչքի լույսի պես պահել 19-րդ դարի այս շինությունը և այն վերածել թանգարանի, ուրեմն ազգային գործիքների համար թվայնացված ալբոմն իր արժանի տեղն է գտել: Ստեղծված ձայնասկավառակներն իրական արժեք են, և հույս ունեմ՝ կծառայեն ազգային երաժշտության և արվեստի պահպանման նպատակին»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

 Հիշեցնենք, որ կողմերի գործակցության արդյունքում, նույն սկզբունքով ստեղծվել էին նաև «Հայաստանի հանրային ռադիոյի ոսկե ֆոնդ», «Արամ Խաչատրյան-110», «Կոմիտաս-145» ալբոմները: Չորս ալբոմից կազմված թվայնացված ձայնասկավառակների հավաքածուն համալրել է Հանրային ռադիոյի ձայնադարանը: Գործակցող կողմերի որոշմամբ, թանգարանին նվիրվեցին թվարկված բոլոր ալբոմները:
 

Մշակույթի զարգացմանն ուղղված՝ վերը նշված ծրագրերի իրականացման համար, ՎիվաՍել-ՄՏՍ-ը կատարել է ավելի քան 89 մլն. դրամի սոցիալական ներդրում:

chaplin

Չապլինի դուստրն ու թոռնուհին կժամանեն Երեւան

Չապլինի դուստրն ու թոռնուհին կլինեն Երեւանում։ Այդ մասին Facebook-ում հայտնել է Թատերական գործիչների միության նախագահ Հակոբ Ղազանչյանը։

Երեւանում մարտի 16-17-ին Սունդուկյանի անվան մայր թատրոնում կայանալու է «Պատերի համր շշուկը» ներկայացումը, որի գաղափարը, սցենարն ու բեմադրությունը դստերին է՝ Վիկտորիա Թիերե Չապլինին։ Իսկ դերերում հանդես են գալու Չապլինի թոռնուհին՝ Աուրելիա Թիերեն, Ժեմ Մարտինեսն ու Մագնուս Ժակոբսոնը։