mrcuyt

Կորոնավիրուսի համավարակի պայմաններում /Ինքնազբաղ/անկախ ստեղծագործողների մասնագիտական գործունեության

ՀՀ կրթության, գիտության, մշակույթի և սպորտի նախարարությունը ազդարարում է մշակութային դրամաշնորհային ծրագրի մեկնարկը, որը միտված է կորոնավիրուսի տարածման և դրա հետևանքով ստեղծված արտակարգ պայմաններում Հայաստանի Հանրապետության մշակույթի և ստեղծարար ոլորտների ինքնազբաղ ստեղծագործողների գործունեության շարունակականությունն ապահովելուն:

 

Մրցույթը կազմակերպվում է հետևյալ ոլորտներում՝

  1. Ժամանակակից արվեստ (թատերարվեստ, երաժշտարվեստ, պարարվեստ, փերֆորմանս, կերպարվեստ, տեսարվեստ (վիդեոարտ), լուսանկարչություն, ինստալյացիա)
  2. Կիրառական արվեստ (ձեռարվեստ, ժողովրդական արվեստ և արհեստ)
  3. Գրականություն

 

Մրցույթի անվանակարգերը՝

  1. Մշակութային նախագծեր և միջոցառումներ (ժամանակակից արվեստ)
  2. Մշակութային նախագծեր և միջոցառումներ (կիրառական արվեստ, գրականություն)

 

Յուրաքանչյուր անվանակարգում հայտի ներկայացման և մրցույթի մասնակցության համար, բացի մրցույթի ընդհանուր պայմաններից, սահմանված են նաև չափորոշիչներ:

 

Մրցույթի մասնակցության կարգը և պայմանները

 

Մրցույթին կարող են մասնակցել ՀՀ-ում գրանցված մշակութային և ստեղծարար գործունեությամբ զբաղվող իրավաբանական (ՓԲԸ, ՍՊԸ, ՀԿ, Հիմնադրամ) և ԱՁ միջոցով հայտատու ինքնազբաղ արվեստագետները, որոնք՝

  1. հայտը ներկայացնելու օրվա դրությամբ վերջին 12 ամիսների ընթացքում չունեն հարկային ժամկետանց պարտավորություններ
  2. հայտը ներկայացնելու օրվա դրությամբ չունեն ֆինանսական և բովանդակային հաշվետվությունների չիրականացված պարտավորություններ ՀՀ ԿԳՄՍ նախարարության նկատմամբ (ինչպես նաև՝ նախկինում ՀՀ մշակույթի նախարարության)
  3. մշակույթի ոլորտի պետական կամ համայնքային կառույցների աշխատակիցներ չեն
  4. 2018-2019 թթ. վարել են ակտիվ ստեղծագործական գործունեություն, որը կարող են հավաստել համապատասխան փաստաթղթերով:

 

Չեն կարող մասնակցել ՊՈԱԿ-ներ և ՀՈԱԿ–ներ և այն կազմակերպությունները, որոնք 2020 թվականի ընթացքում իրականացրել են միջոցառումներ և նախագծեր ՀՀ ԿԳՄՍ նախարարության դրամաշնորհների շրջանակներում:

 

Մրցույթի մասնակցության փաթեթը ներառում է՝

  1. Հայտաձև՝ համաձայն ձևաչափի (Ձև N 1)
  2. Նախահաշիվ՝ համաձայն ձևաչափի (Ձև N 2)
  3. Կազմակերպության կանոնադրության և պետական ռեգիստրի վկայականի պատճենները
  4. Տեղեկանք հարկային ծառայությունից՝ հարկային պարտավորություններ չունենալու վերաբերյալ
  5. Տեղեկանք նախագծի իրականացման շուրջ համագործակցող կողմերի մասին
  6. Ծրագրին առնչվող նյութեր (առկայության դեպքում)՝ լուսանկարներ, տեսանյութեր, ձայնագրություններ, էսքիզներ
  7. 2018-2019թթ. հայտատուի ստեղծագործական գործունեությունը հավաստող փաստաթղթեր, նյութեր

Հայտադիմումը պետք է լրացվի հայերեն: Կից փաստաթղթերը պետք է լինեն հայերեն կամ հայերեն թարգմանությամբ:

 

Հայտադիմումի փաթեթը ներկայացվում է նախարարություն թղթային տարբերակով և էլեկտրոնային կրիչով (էլեկտրոնային նյութերի առավելագույն ծավալը 20 MB)՝ և ընդունվում է մինչև հայտերի ընդունման ժամկետի ավարտը:

 

Մասնակիցը չի կարող նույն անվանակարգում ներկայացնել մեկից ավելի հայտ: Անվանակարգին չհամապատասխանող և թերի լրացված հայտերը մերժվում են:

 

Հայտերը պետք է ներկայացնել բացառապես փակ ծրարով, որտեղ պետք է ներռված լինեն անհրաժեշտ փաստաթղթային փաթեթը և էլեկտրոնային կրիչը՝ ամբողջական փաթեթի էլեկտրոնային նյութերով:

 

Փակ ծրարի վերևի աջ անկյունում նշել միայն 5 նիշից բաղկացած ցանկացած թվային կոդ և անվանակարգը (Հայտատուին, կազմակերպությանը, նախագծին վերաբերող տվյալներ չնշել):

 

Մրցույթին ներկայացված հայտերը վերադարձման ենթակա չեն: Մրցույթի մասնակիցը կամ նրա լիազորած անձը հայտը հանձնելիս ստանում է համապատասխան ստացական: Հայտերն ընդունվում են.

  1. Մշակութային նախագծեր և միջոցառումներ (ժամանակակից արվեստ) ՀՀ ԿԳՄՍ նախարարության ժամանակակից արվեստի վարչություն Հասցե՝ ք. Երևան, Վազգեն Սարգսյան 3, Կառավարական տուն 2, հեռ. (010) 599-631
  2. Մշակութային նախագծեր և միջոցառումներ (կիրառական արվեստ, գրականություն) ՀՀ ԿԳՄՍ նախարարության ժառանգության և ժողովրդական արհեստների վարչություն Հասցե՝ ք. Երևան, Վազգեն Սարգսյան 3, Կառավարական տուն 2, հեռ. (010) 599-629

 

Մրցույթի իրականացման ժամանակացույցը

Մրցույթի մեկնարկ 05.08.2020 Հայտերի ներկայացման վերջնաժամկետ 20.08.2020

 

Մրցույթի արդյունքների հայտարարումը կտեղեկացվի լրացուցիչ՝ ՀՀ-ում կորոնավիրուսի (COVID-19) տարածման կանխարգելման համալիր միջոցառումների իրականացմամբ պայմանավորված:

 

Հայտերի գնահատում

 

Հայտերը քննում և գնահատում է ՀՀ ԿԳՄՍ նախարարի հրամանով ստեղծված մասնագիտական հանձնաժողովը:

 

Հայտերի գնահատումն իրականացվում է ՀՀ ԿԳՄՍ նախարարության հրապարակած մրցույթով սահմանված կարգով՝ ըստ հանձնաժողովի մշակած չափորոշիչների։

 

Ըստ այդմ՝ առաջնահերթություն է տրվելու այն հայտերին՝

  1. որոնց իրականացման ժամանակ առավելագույնս է հնարավոր պահպանել պարետատան ցուցումները,
  2. որոնք չեն ենթադրում զանգվածային հաղորդակցություն, ունեն բացօթյա կամ առցանց իրականացման հնարավորություն,
  3. չեն կարող թերակատարվել կամ չիրականացվել համաճարակի հավանական զարգացումների հետևանքով,
  4. միջազգային համագործակցության բաղադրիչն իրականացնում են առցանց գործիքներով՝ նվազագույնս նախատեսելով միջազգային տեղաշարժ,
  5. որոնց շրջանակում իրականացվող միջոցառման թիրախային (հանդիսատեսային և մասնակցային) խմբերը չպետք է ներառված լինեն ռիսկային գոտում։

Սույն դրամաշնորհի շրջանակում չեն կարող ֆինանսավորվել հրատարակման և կինոարտադրության նախագծերը։

 

Ծրագրի տևողությունը և բյուջեն

 

Դրամաշնորհը տրվում է ընթացիկ տարվա համար։ Պայմանավորված ուղղությամբ, ներկայացված բյուջեի ծավալներով՝ ծրագրերը կարող են ֆինանսավորվել մասնակի կամ ամբողջապես։

 

Ներկայացված ծրագրի նախահաշվում չեն կարող ընդգրկվել շինարարական (վերանորւգման) կապիտալ և հյուրասիրությունների ծախսեր, ինչպես նաև շահույթ ենթադրող ծախսային ուղղություններ:

yoty-sari-hetevum

Յոթը Սարի Ետևում. հայրենաճանաչողական-գիտակրթական մրցույթ-փառատոն

Ի՞նչ կա թաքնված այնտեղ, որտեղ դու ապրում ես: Գիտե՞ս արդյոք ինչ լեգենդներ ու ավանդազրույցներ է հիշում գյուղի այն մեծ տատիկը կամ պապիկը… եթե գիտե՛ս, պատմիր բոլորին, եթե չգիտես, փորձիր բացահայտել:

 Հովհաննես Թումանյանի թանգարանը, Պատմամշակութային արգելոց-թանգարանների և պատմական միջավայրի պահպանության ծառայության հետ համատեղ, մեկնարկում են «Յոթը սարի ետևում…» մրցույթ-փառատոնը: Եթե ապրում ես Հայաստանի չքնաղ գյուղերից կամ քաղաքներից մեկում, սիրում ես ընկերներիդ հետ գնալ արկածների և բացահայտումների հետևից, ապա այս մրցույթ-փառատոնը քեզ հուշելու է, թե որտեղ են ամենահետաքրքրական և թանկարժեք գանձերը, ինչպե՞ս որոնել և բացահայտել դրանք:
 

Ի՞նչ է նշանակում լինել մրցույթ-փառատոնի մասնակից. 

Փառատոնի մասնակիցները դառնում են հետախույզ-գիտնականներ, որոնց խնդիրն է իրենց հայրենի բնակավայրի մշակութային ժառանգության՝ բոլորին անհայտ կամ քիչ հայտնի օբյեկտի ուսումնասիրումը, պահպանումը և հանրայնացումը: Փառատոնի մասնակիցների համար ուսումնասիրության առարկա կարող են լինել բնակավայրի տարածքում եղած պատմաճարտարապետական հուշարձանները, հնատիպ կառույցները, պաշտամունքային կոթողները, ազգագրական նյութերը: Գյուղին կամ քաղաքին բնորոշ ոչ նյութական մշակութային ժառանգության նմուշները՝ պարեր, արհեստներ, բաղադրատոմսեր, երգեր, առասպելներ և այլն:

Լավագույն ուսումնասիրությունները արժանանալու են դրամական և խրախուսական մրցանակների: Դե՛ ինչ, հավաքիր ընկերներիդ, ընտրիր քո բնակավայրի մշակութային ժառանգության օբյեկտը և մասնակցիր մրցույթ-փառատոնին:

 

Հայտերն ընդունվում են մինչև օգոստոսի 10-ը:
Յոթը սարի ետևում շա՜տ գանձեր կան:
Մասնակցության կանոններին ծանոթանալու, հայտադիմումը լրացնելու համար ակտիվացրեք հղումը.

 https://bit.ly/304ewvK
 

Լրացուցիչ հարցերի համար՝ 

Առաջնային կապի միջոց՝ [email protected]
Պաշտոնական ֆեյսբուքյան խումբ՝ «Յոթը սարի ետևում» մրցույթ-փառատոն 
Հեռ. (+374 010) 560021

dasyntac

Թաղիքագործութեան, շիւղագործութեան եւ կոպելէնագործութեան առցանց-անվճար դասընթացքներ

ՀՈՎԱՆԱՒՈՐՈՒԹԵԱՄԲ ՀՀ Կրթութեան Գիտութեան Մշակոյթի եւ Սպորտի նախարարութեան

 

Սիրիահայերու Միութեան Տիկնանց Յանձնախումբը կը կազմակերպէ՝ թաղիքագործութեան, շիւղագործութեան եւ կոպելէնագործութեան առցանց-անվճար դասընթացքներ։

 

Դասընթացքին նպատակն է պահապանը հանդիսանալ ազգային մշակոյթին եւ արուեստի ճամբով զայն փոխանցել նոր սերունդին։

 

Առցանց-անվճար դասընթացքի մասնակցելու համար կրնաք գրանցուիլ 23-26 Յուլիս 2020-ին, ժամը 10:00-14:00 ժամանակամիջոցին՝ զանգահարելով հետեւեալ հեռախօսահամարներուն։

Թաղիքագործութիւն – 094 337662 Շիւղագործութիւն- 041 660351 Կոպելէնագործութիւն- 094 284114 Դասընթացքի մեկնարկ՝ Օգոստոս 2020

patmutyan-tangaran

Հայաստանի պատմության թանգարանը սկսում է նոր նախագիծ՝ «Հայկական տարազ XVIII-XIXդդ․»

Այսօրվանից Հայաստանի պատմության թանգարանը սկսում է նոր նախագիծ՝ «Հայկական տարազ XVIII-XIXդդ․», որի շրջանակներում կհրապարակվեն Հայաստանի պատմության թանգարանում գործող ցուցահանդեսում ներկայացված՝ թանգարանի հավաքածուից ընտրված հայկական տարազի դասական նմուշներ Հայաստանի պատմաազգագրական գրեթե բոլոր տարածաշրջաններից:

Հայկական տարազ

Չնայած հազարամյակներ ի վեր տեղի ունեցած պատերազմներին, արտագաղթերին, օտար տիրապետություններին, հայ ժողովուրդը ավանդական տարազի մեջ կարողացավ պահպանել խոր հնությունից եկող տարազաձևերի, զարդանախշերի և գույների խորհրդանշական պատկերացումներն ու իմաստները։ Այդ են վկայում միջնադարյան պատկերաքանդակների, մանրանկարների, խեցեղեն նմուշների հետ նրանց ունեցած ընդհանրությունները։

Տարազային համալիրների բաղկացուցիչ մաս կազմող գլխի հարդարանքը, կրծքազարդը, ապարանջանը, մատանին, գոտին, գոգնոցը կրում են վաղնջական ժամանակներից նրանց վերագրվող պաշտամունքային, ծիսա-հմայական խորհուրդը։ Իր բոլոր տարբերակներով հանդերձ, հայկական տարազի մեջ, ինչպես միջնադարում, գերակշռում են չորս տարերքի գույները, որոնք XIV դարի հայ մեծ փիլիսոփա, նկարիչ Գրիգոր Տաթևացու վկայությամբ արտահայտում են «երկրի սևությունը, ջրի սպիտակությունը, օդի կարմիրը և հրո դեղինը»՝ խորհրդանշելով միաժամանակ բարոյական հատկանիշներ․ ծիրանի-խոհեմություն և ողջախոհություն, կարմիր-արիություն և մարտիրոսություն, կապույտ-երկնավոր արդարություն, սպիտակ-մաքրություն։

Նկարում՝ հայուհի կարինի տարազով, XXդ․ սկիզբ, ՀՊԹ

History Museum of Armenia / Հայաստանի պատմության թանգարան

gorgagorcutyan-avanduytnery

«Պահպանենք գորգ գործելու ավանդույթները» միջոցառում

Հուլիսի 16-ին, ժամը 13:00-ից Էրեբունու մանկապատանեկան ստեղծագործական կենտրոնի գորգագործության և կարպետագործության խմբակի սաները «Պահպանենք գորգ գործելու ավանդույթները» միջոցառման ընթացքում կներկայացնեն իրենց կատարած աշխատանքները, ինչպես նաև կծանոթացնեն գորգ գործելու ընթացքին։ Ցանկության դեպքում կարող եք ինքներդ մասնակցել գործընթացին։ Միջոցառման ավարտին կտեսնեք նաև ավարտված աշխատանքների կտրման ընթացքը` համեմված հայկական գեղեցիկ ավանդույթներով։

Մուտքն անվճար է։ Հասցեն՝ Էրեբունի 15:

Լրացուցիչ հարցերի դեպքում կարող եք զանգահարել 098-43-95-69, 091-48-93-84 հեռախոսահամարներով:

bilg

ՅՈՒՆԵՍԿՕ-ի Սոֆիայի կենտրոնում անցկացվել է ժառանգության հարցերի վերաբերյալ կլոր սեղան առցանց-քննարկում

ՅՈՒՆԵՍԿՕ-ի հովանու ներքո գործող Հարավ-արևելյան Եվրոպայի ոչ նյութական մշակութային ժառանգության պահպանության Սոֆիայի կենտրոնի նախաձեռնությամբ՝ հուլիսի 6-ին տեղի է ունեցել «Կենսունակ ժառանգությունը քաղաքում» խորագրով միջազգային կլոր սեղան առցանց-քննարկում։ Միջոցառման կազմկոմիտեն մասնակցության էր հրավիրել ոլորտի 17 փորձագետների. Բուլղարիայի, Ռումինիայի, Ուկրաինայի գիտությունների ակադեմիաների, Բուլղարիայի նոր համալսարանի, Անգլիայի Քովենթրի համալասարանի, Միլանի և Կիպրոսի համալսարանների, Բուլղարիայի Բալկանյան հետազոտությունների ինստիտուտի, Պլովդիվի, Ռուսսեի և Սլիվենի թանգարանների գիտաշխատողների և ոչ նյութական մշակութային ժառանգության միջազգային փորձագետների։ Հայաստանից «Կենսունակ ժառանգությունը Հայաստանի քաղաքային միջավայրերում» թեմայով զեկուցմամբ հանդես է եկել ՀՀ ԿԳՄՍ նախարարության ոչ նյութական մշակութային ժառանգության մասնագետ Նաիրա Կիլիչյանը։ Այս հաղորդման հիմնական թեման Հայաստանի մշակութային քաղաքականության շրջանակում երեք խոշոր քաղաքների՝ Երևանի, Գյումրիի և Գորիսի կենսունակ ժառանգության ներկայացումն էր, որի պահպանությունը տեղի է ունենում ոչ միայն ոչ նյութական մշակութային ժառանգության կենսունակության ներքին օրինաչափությունների, այլև պետական քաղաքականությամբ նախանշված ծրագրային առաջարկների իրականացման և միջոցառումների կազմակերպման միջոցով։ Նշենք, որ Սոֆիայի կենտրոնին անդամակցում են 16 երկրներ, այդ թվում՝ Հունաստանը, Կիպրոսը, Վրաստանը, Ուկրաինան, Բոսնիա և Հերցեգովինիան, Խորվաթիան, Սերբիան, Ալբանիան, Սլովենիան, Մոնտենեգրոն, Ռումինիան, Մոլդովան։ Հայաստանի Հանրապետությունը Սոֆիայի կենտրոնի հետ համագործակցում է 2013 թ.՝ մասնակցելով կենտրոնի կազմակերպած ոչ նյութական մշակութային ժառանգության ոլորտի համաժողովներին, փորձագետների հանդիպումներին, ցուցահանդեսներին և մրցույթներին։

ararrrr

«Արար» ծրագիրն՝ առցանց ձևաչափով

ՀՀ ԿԳՄՍ նախարարության «Արար. ՀՀ մարզերում ազգային մշակույթի պահպանման, տարածման, զարգացման և հանրահռչակման» ծրագիրը շարունակում է իրականացվել առցանց ձևաչափով՝ սոցիալական ցանցերի (YouTube, Facebook, Instagram) միջոցով ներկայացնելով ուսուցիչների դասընթացները և աշակերտների տնային աշխատանքները։

Ամառային արձակուրդների օրերին էլ ծրագիրը շարունակում է գործել լիարժեք։ Դպրոցականներն ակտիվ ներգրավված են ոչ նյութական մշակութային ժառանգության ուսուցմանն ուղղված ստեղծագործական դասընթացներին։ Վերջին ամիսների ընթացքում առցանց դասերի դիտումների թիվը հատել է 70.000-ը։

Բացի վերոնշյալ դասընթացներից, ծրագրում ընդգրկված տարբեր համայնքների և խմբերի երեխաներ հասցրել են արդեն մասնակցել առցանց երեք ցուցահանդեսների («Նվիրված Մեծ Եղեռնին», «Հաղթական մայիս», «Մայիսյան եռատոն»), ինչպես նաև միջազգային չորս միջոցառումների՝ մրցույթների, փառատոների, ֆլեշմոբերի և արժանացել մրցանակների (ՅՈՒՆԵՍԿՕ-ի հուշարձանների միջազգային մրցույթ, «Արթ մյուզիք» արվեստի միջազգային 9-րդ փառատոն, «Ավանդույթի ժառանգորդները» Ռուսաստանի փառատոն, «Արի պարի Քոչարի» համահայկական ֆլեշմոբ)։

Նշենք, որ ծրագիրն իրականացվում է ՀՀ 5 մարզերի 26 համայնքներում: 19 ստեղծագործական խմբերում տեղաբնակ 12 մասնագետներ դասավանդում են ավանդական երգ ու պար, կերպարվեստ, գորգագործություն ու կարպետագործություն, ժանեկագործություն ու ասեղնագործություն, խեցեգործություն, քարի, փայտի և մետաղի գեղարվեստական մշակում և խաչքարագործություն։


Ծրագրի նպատակն է ոչ նյութական մշակութային ժառանգության պահպանումն ու տարածումը ՀՀ մարզերում, հայկական ոչ նյութական մշակութային ժառանգության հանդեպ հասարակության հոգածության և հարգանքի  արմատավորումը, ինչպես նաև սերունդներին այդ ժառանգության փոխանցման ապահովումը:

 

Ծրագրին կարելի է ծանոթանալ հետևյալ հղումով.

https://www.youtube.com/channel/UCM7iMqLtIlKD174Yx1OGB3A?fbclid=IwAR1xzprnreO0rclDhlbDb-CpmomJZeJyFbe95nBufHn2sBW1e95lyBXxwiU

 

Մասնակցությունն անվճար է, կարելի է գրել ծրագրի ֆեյսբուքյան էջին ( ARAR Armenian Art Center ԱՐԱՐ հայ արվեստի պահպանման և հանրահռչակման ծրագիր ֆեյսբուքյան էջը) կամ զանգահարել հետևյալ հեռախոսահամարով՝ 077 752 929։

 

ՀՀ ԿԳՄՍ նախարարություն

76eb26_02e55291efdf4517912d5d14240789b9_mv2

«Վարդավառ» միջազգային փառատոն

Երիտասարդական ակումբների դաշնության (FYCA) նախաձեռնությամբ ամեն տարի ավանդաբար կազմակերպվում է «Վարդավառ» միջազգային փառատոնը, որի նպատակը երիտասարդությանն ու հանրության մյուս շերտերին  Վարդավառի տոնածիսական առանձնահատկությունների ինքնատիպ ներկայացումն է, ազգային-ավանդական մշակույթի հանրահռչակումը Հայաստանում և երկրի սահմաններից դուրս:

76eb26_02e55291efdf4517912d5d14240789b9_mv2
76eb26_5202e013e0434316b7af9f5e2b522846_mv2

ՀՀ կառավարության 2021 թ. նոյեմբերի 4-ի N 1825-Ն որոշմամբ՝ հաստատվել է «Հայաստանի Հանրապետության կառավարության 2011 թվականի հունվարի 20-ի N 36-Ն որոշման մեջ փոփոխություններ և լրացումներ կատարելու մասին» ՀՀ ԿԳՄՍ նախարարության ներկայացրած որոշման նախագիծը:

 

«Հայաստանի Հանրապետության` անհապաղ պաշտպանության կարիք ունեցող ոչ նյութական մշակութային ժառանգության ցանկերի գրանցման ու կազմման չափորոշիչները և դրանց հիման վրա կազմված ոչ նյութական մշակութային ժառանգության արժեքների ցանկը» հաստատվել է ՀՀ կառավարության 2011 թվականի հունվարի 20-ի N 36-Ն որոշմամբ:

 

Ներկա որոշմամբ Հայաստանի Հանրապետության անհապաղ պաշտպանության կարիք ունեցող ոչ նյութական մշակութային ժառանգության արժեքների առկա ցանկը համալրվել է, որի անհրաժեշտությունը պայմանավորված է ՅՈՒՆԵՍԿՕ-ի 2003 թվականի «Ոչ նյութական մշակութային ժառանգության պաշտպանության մասին» կոնվենցիայի և Հայաստանի Հանրապետության Ոչ նյութական մշակութային ժառանգության մասին օրենքի դրույթներով:

 

Հայաստանի Հանրապետության ոչ նյութական մշակութային ժառանգության արժեքների ցանկը կազմված էր 12 տարրերից («Կարոս խաչ» վիպերգ, «Լարախաղացություն (փահլևանի խաղեր)», «Վիճակի երգեր», «Ավետիս», «Խաչբուռ», «Ասեղնագործություն», «Բարեկենդան», «Որդան կարմիր. հայկական որդանին առնչվող ավանդական գիտելիքներ, հմտություններ և փորձառություն», «Գյումրվա կլկլան (մուշուրբա)», «Ստվերների տիկնիկային թատրոն», «Պարկապզուկ (տիկ)», «Կոխ ըմբշամարտ»): Դրանք համալրվել են ևս 8 արժեքներով՝ «Գինու կարասի կիրառման ավանդույթ», «Թաղիքագործություն», «Ավանդական ձիախաղեր», «Հայաստանի հույն ազգաբնակչության պոնտիերեն բարբառ», «Շուլալ կարպետ», «Ուդ», «Քամանի և քեմանո» և «Հազարա­շեն»:

 

Ոչ նյութական մշակութային ժառանգության արժեքների ցանկում ներառվում են հայ ժողովրդի մշակութային ինքնատիպությունն ու ազգային ինքնությունը առանձնահատուկ արտահայտող ավանդական մշակույթի տարրերը: Այդ արժեքների պահպանությունը, հանրահռչակումը մեծապես նպաստում են ազգային մշակութային ժառանգությունը սերունդներին փոխանցելու և միջազգային ասպարեզում Հայաստանի ճանաչելիության բարձրացման գործընթացին:

 

Տեղեկանք: ՀՀ ոչ նյութական մշակութային ժառանգության ցանկերը թարմացվում են պարբերաբար: Դրանք կազմվում են ՀՀ տարբեր համայնքներում պարբերաբար իրականացվող դիտանցումների, մոնիթորինգների, գիտական մեթոդաբանությամբ իրականացվող դաշտային հետազոտական աշխատանքների, ինչպես նաև ՀՀ քաղաքացիների, պետական, հասարակական, կրթական և մշակութային կազմակերպությունների, համայնքների, խմբերի, մշակույթի կրողների և կիրառողների առաջարկների հիման վրա: Առաջարկները քննարկվում են ՀՀ ԿԳՄՍ նախարարին կից ոչ նյութական մշակութային ժառանգության հարցերի մասնագիտական խորհրդի նիստերի ընթացքում, այնուհետև ներկայացվում են ՀՀ կառավարության հաստատմանը:

dimak

«Դիմակ կրելու արվեստը» նոր առցանց կրթական ծրագիր

Դիմակ կրելն այսօր պարտադիր է, իսկ ի՞նչ գիտենք մենք դիմակի մասին: Ե՞րբ և ինչու՞ են մարդիկ կրել դիմակ: Այս և այլ հարցերի շուրջ մենք կխոսենք «Դիմակ կրելու արվեստը» նոր առցանց կրթական ծրագրի շրջանակում և նույնիսկ կստեղծենք մեր յուրահատուկ պաշտպանիչ դիմակը: Ծրագրին մասնակցելու համար գրեք մեզ կամ զանգահարեք (+374) 77 21 81 35 հեռախոսահամարով:

Գաֆեսճեան արվեստի կենտրոն
janek

Ամփոփվել է «Մոռացված ավանդույթների՝ թաղիքագործության, ժանեկագործության և կարպետագործության արհեստագործական հմտությունների և տեսական գիտելիքների ուսուցման ծրագիրը

ՀՀ կրթության, գիտության, մշակույթի և սպորտի նախարարության դրամաշնորհային մրցութային ծրագրերի շրջանակում իրականացված «Մոռացված ավանդույթների՝ թաղիքագործության, ժանեկագործության և կարպետագործության արհեստագործական հմտությունների և տեսական գիտելիքների ուսուցում» ծրագրի շրջանակում՝ գործնական դասընթացների և ինտերակտիվ զրույցների միջոցով Արմավիրի մարզի Արաքս, Սարդարապատ, Բամբակաշատ, Մարգարա համայնքներում և «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» ՊՈԱԿ-ում շուրջ 120 մասնակիցներ ծանոթացել են հայկական հնագույն արհեստագործական հմտություններին, ձեռք են բերել տեխնիկական և ճանաչողական գիտելիքներ: Ծրագրի իրականցման արդյունքում ապահովվել է ոչ նյութական մշակութային ժառանգության պահպանությունն ու դրա արդիականացումը, թանգարանային ֆոնդի հանրայնացումը, բնակչության երիտասարդ տարիքային խմբի ներգրավումը մշակութային ժառանգության բնականոն փոխանցման գործում, ինչպես նաև թանգարանային որակյալ ու բազմազան ծառայությունների ստեղծումը: Ծրագրի ձեռքբերումներից են «Թաղիքագործության, ժանեկագործության և կարպետագործության մոռացվող ավանդույթների վերածնունդը» խորագրով գրքույկի հրատարակումը և դասընթացների վերաբերյալ երեք կարժամետրաժ տեսանյութերի պատրաստումը, որոնց կարելի է ծանոթանալ հետևյալ հղումներով. 

Թաղիքագործություն
Ժանեկագործություն
Կարպետագործություն