sanremo-21-22

Սան Ռեմո 2021-2022 «Կոդե Դ‘ Ազուր» համաշխարհային ֆոլկլորային փառատոն

Հայտարարություններ

Իտալիայի Սան Ռեմո, Դիանո Մարինա և Ֆրանսիայի Կանն քաղաքներում 2021-2022 թթ. տեղի է ունենալու Սան Ռեմո 2021 թ. աշուն և Սան Ռեմո 2022 թ. գարուն «Կոդե Դ‘Ազուր» համաշխարհային ֆոլկլորային փառատոնը:

 Ամեն տարի փառատոնին մասնակցում են ավելի քան 100 պարային անսամբլներ աշխարհի տարբեր երկրներից` ներկայացնելով իրենց ազգային երգն ու պարը, սովորույթներն ու գունագեղ տարազները:
 

Նախորդ տարիների միջոցառումներին կարելի է ծանոթանալ հետևյալ հղումներով` https://bit.ly/3lug3Y9, https://bit.ly/3rZWNDd

 Մասնակցության համար անհրաժեշտ է կապ հաստատել փառատոնի տնօրեն Դրագան Սաժիցի հետ (Հեռ.` + 381 62-17 69 969, WhatsApp և Viber` + 381 65 506 84 42, Էլ. հասցե՝ [email protected]):
jox-erger

«Շիրակի ժողովրդական երգերի ժողովածուի» շնորհանդես և համերգ

Հայտարարություններ
05f611_bd45ed7b9a2c4216ac4ff3718b2deae4_mv2

Հրավիրում ենք մասնակցելու «Շիրակի ժողովրդական երգերի ժողովածու»-ի շնորհանդեսին և Գյումրու ժողովրդական գործիքների պետական նվագախմբի համերգին, որը տեղի կունենա Գյումրու տեխնոլոգիական կենտրոնի դահլիճում՝ հուլիսի 25֊ին, ժամը 14։00-ին։

Ծրագրում՝ Շիրակի ավանդական երաժշտություն:

as

Ագանելիքը հայոց տարազի համակարգում

Հայտարարություններ

Հուլիսի 23-ին՝ ժամը 18:30-ին, Կառավարության թիվ 2 շենքում (Արտաքին գործերի նախարարության նախկին շենք) տեղի կունենա դասախոսություն՝ «Ագանելիքը հայոց տարազի համակարգում» թեմայով: Զեկույցով հանդես կգա պ. գ. թ., ազգագրագետ Սվետլանա Պողոսյանը, ով կներկայացնի ագանելիքի դերակատարությունը հայոց տարազի համակարգում և կանդրադառնա դրա տոնածիսական կիրառությանը: 

Նույն օրը «Դրվագներ ինքնության. տարազ» ցուցահանդեսը կհամալրվի նոր ցուցանմուշներով:

 

Մուտքը՝ ցուցահանդեսի տոմսով:

pataniner-erexnaer-kariq

Ուսուցում կյանքի դժվարին իրավիճակում հայտնված երեխաների ու պատանիների համար

Հայտարարություններ

ՀՀ կրթության, գիտության, մշակույթի և սպորտի նախարարության աջակցությամբ և «Երևանի Աջափնյակ վարչական շրջանի երեխաների սոցիալական հոգածության կենտրոն» ՊՈԱԿ-ի նախաձեռնությամբ մեկնարկել է «Ոչ նյութական մշակութային ժառանգության պահպանության ծրագիրը»:

Կայուն և առողջ հասարակություն ձևավորելու նախապայմաններից է երեխաների և դեռահասների համակողմանի կրթության ապահովումը, որն առավել առաջնային է կյանքի դժվարին իրավիճակում հայտնված երեխաների համար, որոնք հասարակական կյանքում սոցիալական ներառման խնդիր ունեն:

Ոչ նյութական մշակութային ժառանգության ուսուցման (կարպետագործություն, գորգագործություն) ծրագիրն ուղղված է բացահայտելու 6-18 տարեկանների ներուժը, նպաստելու նրանց կրթական, ստեղծագործական ունակությունների ու ինքնադրսևորման հնարավորությունների զարգացմանը։

Ցերեկային կենտրոն հաճախող և սոցիալ-հոգեբանական աջակցություն ստացող երեխաների համար կստեղծվի ստեղծագործական միջավայր, ինչը կնպաստի նրանց արտադպրոցական զբաղվածության և արհեստագործական գիտելիքների ձեռքբերմանը։

Ծրագրի ավարտին կկազմակերպվի ցուցահանդես և կներկայացվեն մասնակիցների աշխատանքները:

gorgery-arevin-handzel

«Գորգերը արև տալու» ամենամյա արարողությունը

Հայտարարություններ

Հուլիսի 18-ին, ժամը 12:00-ին Խաչքարերի պուրակում կկայանա «Գորգերը արև տալու» ամենամյա արարողությունը: Մոտ 70 հին հայկական գորգ ու կարպետ կփռվեն գետնին մի քանի ժամով:

 

Լուսանկարում նույն արարողությունն է Շուշիում:

arcaxi-gorger

Արցախի գորգերի հետքերով

Հայտարարություններ

«Ժողովրդական Արվեստի Հանգույց» կրթամշակութային հիմնադրամը հուլիսի 17-ին, ժամը 18:00-ին կազմակերպում է հերթական հետաքրքրաշարժ բանախոսությունը՝ նվիրված հայկական գորգերին:

Անդրադարձ կկատարվի Շուշիի թանգարանի հավաքածուի մաս կազմող արցախյան գորգերին, թանգարանի կազմավորման և վերջին պատերազմի ընթացքում գորգերի փրկության պատմությանը:

Բանախոսությունը վարելու է Շուշիի գորգերի թանգարանի հիմնադիր Վարդան Ասծատրյանը:

 Մուտքն ազատ է։
 

Հասցե՝ Այգեձոր 53/2, «Մետաքսի ճանապարհ» հյուրանոց։

Լրացուցիչ հարցերի և մասնակցության համար զանգահարել 010265214, 091265214, 077265214 հեռախոսահամարներով:

arcaxi-hamn-u-hoty

«Արցախի համն ու հոտը» խորագրով փառատոնը՝ Աշտարակի Պերճ Պռոշյանի տուն-թանգարանում

Հայտարարություններ
05f611_c00e873f38fb4692bd839c14885c882a_mv2

ՀՀ կրթության, գիտության, մշակույթի և սպորտի նախարարության աջակցությամբ, «Տերյան մշակութային կենտրոն» ՀԿ-ի նախաձեռնությամբ հունիսի 19-ին՝ ժամը 12:00-18:00-ին, Աշտարակի Պերճ Պռոշյանի տուն-թանգարանում տեղի կունենա «Արցախի համն ու հոտը» խորագրով փառատոնը, որի նպատակն է ուշադրություն հրավիրել անհապաղ պաշտպանության կարիք ունեցող հայկական ոչ նյութական մշակութային ժառանգության՝ արցախյան խոհանոցի, կենցաղի, արհեստների կենսունակության պահպանությանը:

 

Արցախյան թթուների հարուստ տեսականին, համեղ ուտեստները, ձեռագործ աշխատանքները կներկայացնեն պատերազմի հետևանքով տեղահանված և Հայաստանի գյուղական և քաղաքային համայնքներում բնակվող արցախցիները:

 

Կկազմակերպվեն ձեռարվեստի և ուտեստի պատրաստման վարպետաց դասեր, ուտեստների համտես-վաճառք, ինչպես նաև կցուցադրվեն Սյունիք-Արցախի տարազային համալիրները՝ ապահովելով Արցախի կոլորիտն ու շունչը:

 

Մուտքն ազատ է:

vardan-xumanyan

Վահրամ Դումանյանի շնորհավորական ուղերձը Թանգարանների միջազգային օրվա առթիվ

Հայտարարություններ
05f611_9bd8b0b641ae445f808609e5355f4520_mv2

Սիրելի´ թանգարանագետներ և թանգարանային գործի աշխատակիցներ,

 1977 թ. մայիսի 18-ին Թանգարանների միջազգային խորհուրդը (ԻԿՕՄ) իր 11-րդ գլխավոր կոնֆերանսի ժամանակ այդ օրը հռչակեց որպես Թանգարանների միջազգային օր: Այս տարի օրվա կարգախոսն է՝ «Թանգարանների ապագան. վերականգնել և վերաիմաստավորել», որն առավել քան արդիական է մերօրյա տեխնոլոգիական և թվային աշխարհում: Քայլելով ժամանակի պահանջներին համահունչ՝ այսօր թանգարանները կիրառում են հաղորդակցման բազմազան ձևեր ու եղանակներ՝ իրենց հավաքածուները նոր մոտեցումներով և ձևաչափերով հանրությանը ներկայացնելու համար: Հայաստանյան և Արցախի Հանրապետության թանգարանները նույնպես անմասն չեն մնում և չեն մնալու հիշյալ՝ շարունակաբար փոփոխվող նորագույն մարտահրավերներին արձագանքելու կարևոր գործից:
 

Շնորհավորում եմ ձեզ Թանգարանների միջազգային օրվա առթիվ, մաղթում բեղուն աշխատանքային գործունեություն և նորանոր ձեռքբերումներ: Թանգարանները մշակութային ժառանգությունը պահպանող, սերունդներին փոխանցող և հանրայնացնող կարևորագույն այն հաստատություններն են, որոնց առաքելությունը միտված է ազգային և համամարդկային մշակույթի պահպանմանն ու տարածմանը: Անկարելի է թերագնահատել թանգարանների դերն ազգի պատմության կերտման, կայացման, քաղաքացիական և ազգային դաստիարակության գործում:

 

Մեկ անգամ ևս շնորհավորում և մաղթում եմ արդյունավետ ու արգասաբեր գործունեություն:

heritage-youth

Երիտասարդական մրցույթ` «Ոչ նյութական մշակութային ժառանգություն. հաջորդ սերունդը»

Հայտարարություններ
?????????????????????????????????????????????????????????

ՅՈՒՆԵՍԿՕ-ի հովանու ներքո գործող Հարավարևելյան Եվրոպայի ոչ նյութական մշակութային ժառանգության տարածաշրջանային կենտրոնը (Սոֆիայի կենտրոն) հրավիրում է մասնակցելու «Ոչ նյութական մշակութային ժառանգություն. հաջորդ սերունդը» խորագրով երիտասարդական մրցույթին:

 Մրցույթին կարող են մասնակցել 18-35 տարեկան անձինք՝ ներկայացնելով ոչ նյութական մշակութային ժառանգության որևէ տարր, որը ներառված չէ ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում:
 
Հաղթող ճանաչված 3 մասնակիցների համար կկազմակերպվի եռօրյա այց Փարիզ: Մրցույթին մասնակցելու համար հարկավոր է մինչև ս.թ. սեպտեմբերի 15-ը դիմումները մուտքագրել կենտրոնի կայքում՝ https://www.unesco-centerbg.org/en/next-gen/:
girq-nvirelu-or

Գիրք Նվիրելու Օրը Թանգարանում

Հայտարարություններ

Սիրելի ընկերներ, եթե դեռ չեք կողմնորոշվել՝ ինչ գիրք նվիրել, ապա փետրվարի 19-21-ն այցելելով մեր Թանգարան՝ կարող եք ձեռք բերել հետևյալ արժեքավոր գրքերը և կատալոգները Վաճառքից ստացված ողջ հասույթը փոխանցվելու է Զինծառայողների ապահովագրության հիմնադրամին Իսկ փետրվարի 19֊ին Թանգարանի առաջին այցելուն կստանա իր նվերը՝ մեր կողմից

 

ք. Երևան, Աբովյան 64 (Աբովյան պուրակ)

 

AnyConv.com__344589_c985526e2bd648bf8a1babe903c4978f_mv2
AnyConv.com__344589_2cc17b8bb8434236972f71d331daa4fd_mv2
AnyConv.com__344589_9929eb1e066942ce88cfd67ad41bdc20_mv2
AnyConv.com__344589_340fb182d3be47eeb285abaee7aef866_mv2