vardan-xumanyan

Վահրամ Դումանյանի շնորհավորական ուղերձը Թանգարանների միջազգային օրվա առթիվ

Հայտարարություններ
05f611_9bd8b0b641ae445f808609e5355f4520_mv2

Սիրելի´ թանգարանագետներ և թանգարանային գործի աշխատակիցներ,

 1977 թ. մայիսի 18-ին Թանգարանների միջազգային խորհուրդը (ԻԿՕՄ) իր 11-րդ գլխավոր կոնֆերանսի ժամանակ այդ օրը հռչակեց որպես Թանգարանների միջազգային օր: Այս տարի օրվա կարգախոսն է՝ «Թանգարանների ապագան. վերականգնել և վերաիմաստավորել», որն առավել քան արդիական է մերօրյա տեխնոլոգիական և թվային աշխարհում: Քայլելով ժամանակի պահանջներին համահունչ՝ այսօր թանգարանները կիրառում են հաղորդակցման բազմազան ձևեր ու եղանակներ՝ իրենց հավաքածուները նոր մոտեցումներով և ձևաչափերով հանրությանը ներկայացնելու համար: Հայաստանյան և Արցախի Հանրապետության թանգարանները նույնպես անմասն չեն մնում և չեն մնալու հիշյալ՝ շարունակաբար փոփոխվող նորագույն մարտահրավերներին արձագանքելու կարևոր գործից:
 

Շնորհավորում եմ ձեզ Թանգարանների միջազգային օրվա առթիվ, մաղթում բեղուն աշխատանքային գործունեություն և նորանոր ձեռքբերումներ: Թանգարանները մշակութային ժառանգությունը պահպանող, սերունդներին փոխանցող և հանրայնացնող կարևորագույն այն հաստատություններն են, որոնց առաքելությունը միտված է ազգային և համամարդկային մշակույթի պահպանմանն ու տարածմանը: Անկարելի է թերագնահատել թանգարանների դերն ազգի պատմության կերտման, կայացման, քաղաքացիական և ազգային դաստիարակության գործում:

 

Մեկ անգամ ևս շնորհավորում և մաղթում եմ արդյունավետ ու արգասաբեր գործունեություն:

heritage-youth

Երիտասարդական մրցույթ` «Ոչ նյութական մշակութային ժառանգություն. հաջորդ սերունդը»

Հայտարարություններ
?????????????????????????????????????????????????????????

ՅՈՒՆԵՍԿՕ-ի հովանու ներքո գործող Հարավարևելյան Եվրոպայի ոչ նյութական մշակութային ժառանգության տարածաշրջանային կենտրոնը (Սոֆիայի կենտրոն) հրավիրում է մասնակցելու «Ոչ նյութական մշակութային ժառանգություն. հաջորդ սերունդը» խորագրով երիտասարդական մրցույթին:

 Մրցույթին կարող են մասնակցել 18-35 տարեկան անձինք՝ ներկայացնելով ոչ նյութական մշակութային ժառանգության որևէ տարր, որը ներառված չէ ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում:
 
Հաղթող ճանաչված 3 մասնակիցների համար կկազմակերպվի եռօրյա այց Փարիզ: Մրցույթին մասնակցելու համար հարկավոր է մինչև ս.թ. սեպտեմբերի 15-ը դիմումները մուտքագրել կենտրոնի կայքում՝ https://www.unesco-centerbg.org/en/next-gen/:
girq-nvirelu-or

Գիրք Նվիրելու Օրը Թանգարանում

Հայտարարություններ

Սիրելի ընկերներ, եթե դեռ չեք կողմնորոշվել՝ ինչ գիրք նվիրել, ապա փետրվարի 19-21-ն այցելելով մեր Թանգարան՝ կարող եք ձեռք բերել հետևյալ արժեքավոր գրքերը և կատալոգները Վաճառքից ստացված ողջ հասույթը փոխանցվելու է Զինծառայողների ապահովագրության հիմնադրամին Իսկ փետրվարի 19֊ին Թանգարանի առաջին այցելուն կստանա իր նվերը՝ մեր կողմից

 

ք. Երևան, Աբովյան 64 (Աբովյան պուրակ)

 

AnyConv.com__344589_c985526e2bd648bf8a1babe903c4978f_mv2
AnyConv.com__344589_2cc17b8bb8434236972f71d331daa4fd_mv2
AnyConv.com__344589_9929eb1e066942ce88cfd67ad41bdc20_mv2
AnyConv.com__344589_340fb182d3be47eeb285abaee7aef866_mv2
barekendan

Ժողովրդական տոներին ընդառաջ. Բարեկենդան և Տյառնընդառաջ

Հայտարարություններ

«Վերադարձ ինքնությանը» նախագծի շրջանակում Հովհաննես Շարամբեյանի անվան ժողովրդական արվեստների թանգարանը «Վարք Հայոց» ավանդական երգի-պարի խմբի հետ փետրվարի 14-ին՝ ժամը 15:00-ից, կանցկացնի Բուն Բարեկենդանին և Տյառնընդառաջին (Տրընդեզ, Տերինտես) նվիրված տոնածիսական միջոցառում։ 

Միջոցառման ընթացքում տոների խորհուրդը հանրությանը կներկայացնեն Տեր Թովմա քահանա Անդրեասյանը և ազգագրագետ, բանահավաք Հարություն Փանոսյանը: «Վարք Հայոց» ավանդական երգի-պարի խումբը հանդես կգա տոներին բնորոշ խաղ-ներկայացումներով և ազգային խաղերով, որոնց մասնակիցը կդառնան նաև ներկաները: Կկատարվի նորապսակների, տնկիների և սերմերի օրհնության կարգ: Մուտքն անվճար է։ Մասնակցության համար անհրաժեշտ է գրանցվել նախապես. հեռ.` +374 44 717470, հասցե` ք. Երևան, Աբովյան 64 (Աբովյան պուրակ):

 ՀՀ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅՈՒՆ
m-sebastaci

Մ. Սեբաստացի կրթահամալիրի սաները Ժողովրդական արվեստների թանգարանում

Հայտարարություններ
m-sebastaci

Այսօր թանգարանում շրջայց-ինտերակտիվ դասի շրջանակում հյուրընկալել էինք Մխիթար Սեբաստացի կրթահամալիրի Արևելյան դպրոցի 3-ի 3 դասարանի սաներին և ուսուցչուհի Վարսիկ Աթոյանին

Երեխաները նախ ծանոթացան թանգարանի հարուստ պատմությանը, եզակի նմուշների մասին լսեցին հետաքրքիր պատմություններ, ապա նկարազարդեցին գորգերի զարդանախշերով փայտյա դեկորները և որպես հուշ-պատառիկ թանգարանից տարան իրենց հետ

Հիշեցնենք, որ թանգարանի կրթական ծրագրերին մասնակցելու համար անհրաժեշտ է գրանցվել նախապես։

vishaperg

Քառաձայն վիշապերգ

Հայտարարություններ

Հարգելի հետևորդներ և արվեստասերներ, «Ժողովրդական արվեստի հանգույց» հիմնադրամը կազմակերպում է ցուցահանդես՝ նվիրված Արցախյան «Խնձորեսկ» տեսակի գորգերին։

 

Ներկայացվելու են Լևոն Դեր-Բեդրոսսյանի անձնական հավաքածուի մաս կազմող նշված գորգատեսակի նմուշներ: Այս առիթով Ցուցահանդեսի շրջանակում նախատեսվում են բանախոսություններ նվիրված «Խնձորեսկ» տիպի գորգերին բնորոշ զարդամոտիվներին և նախշերին: 

Ցուցահանդեսի մեկնարկը կտրվի հունվարի 16-ին ժամը 18:00-ին: 

Մուտքն ազատ է: 

Մասնակցության համար խնդրում ենք գրանցվել՝ զանգահարելով 010 265214, 091 265214, 077 445945 հեռախոսահամարներով:

1610979576_3009499
1610979576_6657046
1610979576_1545877
zruyc

Զրույց հայկակական ժամանակակից գորգարվեստի մասին

Հայտարարություններ

«Ժողովրդական Արվեստի Հանգույց» կրթամշակութային հիմնադրամը կազմակերպում է այս տարվա առաջին զրույց-բանախոսությունը, որը վերաբերում է հայկական ժամանակակից գորգին:

 

Խոսելու և քննարկելու ենք ժամանակակից գորգի ուղղվածության և ակունքներից եկող ավանդույթները ժամանակակակից աշխարհում ներկայացնելու տարբերակների մասին:

 

Խոսելու ենք նաև Սևանա Լճի մոտ գտնվող Սև Սարի վրա պահպանված մի եզակի ժայռապատկերային քարի մասին՝ դիտելով այն մերօրյա արվեստի և ժամանակակից գորգաարվեստի հետ մեկտեղ։

 

Զրույցը կվարեն` արվեստագետ Հրաչ Վարդանյանը և փիլիսոփայական գիտությունների թեկնածու Դավիթ Մոսինյանը:

 

Մուտքն անվճար է։

 

Մասնակցության համար խնդրում ենք գրանցվել՝ զանգահարելով 010265214, 091265214, 077445945 հեռախոսահամարներով:

tnic-tangaran

Տնից Թանգարան և Գրադարան

Հայտարարություններ

ԿԵՐԱՆՔ ԽՄԵՑԻՆՔ, ԶԽԵՐՆ ՀԻՇԵՑԻՆՔ. ՀԱՑԻ ԽՆԴԻՐԸ ԲԱՆԱՀՅՈՒՍԱԿԱՆ ԵՎ ՀԵՂԻՆԱԿԱՅԻՆ ՀԵՔԻԱԹՈՒՄ

 

11-րդ hեքիաթագիտական գիտաժողով
Հովհ. Թումանյանի թանգարան 26-27 դեկտեմբերի, 2020թ.

 

ԾՐԱԳԻՐ

26 դեկտեմբերի, շաբաթ Հովհ. Թումանյանի թանգարանի դահլիճ
 11. 00 մասնակիցների գրանցում 11. 30 բացման արարողություն
 

Անի Եղիազարյան Հովհ. Թումանյանի թանգարանի տնօրեն Ալվարդ Ջիվանյան` Հովհ. Թումանյանի թանգարանի հեքիաթագիտության բաժնի ղեկավար

 

ԶԵԿՈՒՑՈՒՄՆԵՐ 11. 30 – 13. 00

Лусине Товмасян Aрцахский государственный университет УТОПИЯ ЕДЫ В ТЕКСТЕ СКАЗКИ
 Թամար Հայրապետյան ՀՀ ԳԱԱ Հնագիտության և ազգագրության ինստիտուտ ՍՆՎԵԼՈՒ ՄՇԱԿՈՒՅԹԸ ՀԱՅ ԲԱՆԱՎՈՐ ԱՎԱՆԴՈՒԹՅԱՆ ՄԵՋ
 

Լուսինե Հայրիյան ՀՀ ԳԱԱ Հնագիտության և ազգագրության ինստիտուտ ՄԵՂՐԻ ԵՎ ՄԵՂՐՈՎ ՔԱՂՑՐԱՎԵՆԻՔԻ ԱՌԿԱՅՈՒԹՅՈՒՆԸ ՀԵՔԻԱԹԱՅԻՆ ԴԻՊԱՇԱՐԵՐՈՒՄ

 

Էսթեր Խեմչյան ՀՀ ԳԱԱ Հնագիտության և ազգագրության ինստիտուտ ՍՆՆԴԻ ԴՐԱԿԱՆ ԵՎ ԲԱՑԱՍԱԿԱՆ ՆԵՐԳՈՐԾՈՒԹՅԱՆ ԹԵՄԱՆ ՀԱՅ ԲԱՆԱՀՅՈՒՍՈՒԹՅԱՆ ԼՈԽՄԱՆՅԱՆ ՍՅՈՒԺԵՆԵՐՈՒՄ

 

ԸՆԴՄԻՋՈՒՄ 13. 00 – 13. 30

 ԶԵԿՈՒՑՈՒՄՆԵՐ 13. 30 – 15. 00
 

Տորք Դալալյան ՀՀ ԳԱԱ Հնագիտության և ազգագրության ինստիտուտ ՆՌԱՆ ՍԻՄՎՈԼԻԿԱՅԻ ԴՐՍԵՎՈՐՈՒՄԸ ԺՈՂՈՎՐԴԱԿԱՆ ՀԱՆԵԼՈՒԿՆԵՐՈՒՄ, ԵՐԳԵՐՈՒՄ ԵՎ ՀԵՔԻԱԹՆԵՐՈՒՄ

 

Հասմիկ Մատիկյան Շիրակի հայագիտական կենտրոն ԿԵՐԱԿՈՒՐԸ ՄԱՆԿԱԿԱՆ ՏԵՔՍՏԵՐԻ ՀԱՄԱՊԱՏԿԵՐՈՒՄ

 

Նելլի Ադամյան Շիրակի Մ. Նալբանդյանի անվ. պետական համալսարան ԿԵՐԱԿՈՒՐ ԽՈՐՀՐԴԱՆԻՇԸ «ԱԼԻՍԸ ՀՐԱՇՔՆԵՐԻ ԱՇԽԱՐՀՈՒՄ» ԵՎ «ԱԼԻՍԸ ՀԱՅԵԼՈՒ ԱՇԽԱՐՀՈՒՄ» ՀԵՔԻԱԹՆԵՐՈՒՄ

 

Մարինե Խեմչյան ՀՀ ԳԱԱ Հնագիտության և ազգագրության ինստիտուտ ՀՐԱՇԱԳՈՐԾ ՍՓՌՈՑԻ ՄՈՏԻՎԸ ՀԱՅ ԺՈՂՈՎՐԴԱԿԱՆ ՀԵՔԻԱԹՆԵՐՈՒՄ

 

27 դեկտեմբերի, 2020

 

ԶԵԿՈՒՑՈՒՄՆԵՐ 11. 30 – 13. 00

 Նվարդ Երնջակյան Երևանի պետական համալսարան AN ETHNOLINGUISTIC SURVEY OF ARMENIAN FOOD TALK
 Նվարդ Վարդանյան Երևանի պետական համալսարան ԽՆՁՈՐԸ ՀԵՔԻԱԹԱՅԻՆ ՀԱՐՍԱՆԻՔՈՒՄ
 
Ալվարդ Ջիվանյան Երևանի պետական համալսարան ՊԱՐԵՆԱՅԻՆ ՈՒՏՈՊԻԱՆԵՐԸ ՀԵՔԻԱԹՈՒՄ ԵՎ ՀՐԱՇԱՊԱՏՈՒՄ ՄԱՆԿԱԳՐՈՒԹՅԱՆ ՄԵՋ
 

Гоар Меликян НАН РА Институт археологии и этнографии «КАМЕННЫЙ СУП» ИЛИ «КАША ИЗ ТОПОРА»: ВАРИАЦИИ И ИНТЕРПРЕТАЦИИ

 

ԸՆԴՄԻՋՈՒՄ 13. 00 – 13. 30

 

ԶԵԿՈՒՑՈՒՄՆԵՐ 13. 30 – 15. 00

 

Մելինե Ղոնյան Երևանի պետական համալսարան ԿԵՐԱԿՈՒՐԸ ԵՎ ՍՊԱՍՔԸ ՈՐՊԵՍ ԱՆՏՐՈՊՈՄՈՐՖԻԶՄԻ ԴՐՍԵՎՈՐՄԱՆ ՁԵՎԵՐ ՀԵՔԻԱԹՈՒՄ ԵՎ ՄԱՆԿԱԿԱՆ ԳՐԱԿԱՆՈՒԹՅԱՆ ՄԵՋ

 

Լիլիթ Սեյրանյան ՀՀ ԳԱԱ Մ.Աբեղյանի անվան գրականության ինստիտուտ ԿԵՐԱԿՐԻ ԽՈՐՀՐԴԱԲԱՆՈՒԹՅՈՒՆԸ ՀՈՎՀ. ԹՈՒՄԱՆՅԱՆԻ «ԲԱՐԵԿԵՆԴԱՆԸ» ՀԵՔԻԱԹՈՒՄ

 

Վարդուհի Բալոյան ՀՀ ԳԱԱ Մ.Աբեղյանի անվան գրականության ինստիտուտ ԿԱՐԿԱՆԴԱԿՆԵՐԸ ԵՎ ԽՈՀԱՆՈՑԸ ԷԴԻԹ ՆԵՍԲԻԹԻ «ԵՐԿԱԹՈՒՂԱՅԻՆ ԿԱՅԱՐԱՆԻ ԵՐԵԽԱՆԵՐԸ» ՎԵՊՈՒՄ

 

Լուսինե Մադաթյան Խ. Աբովյանի անվ. Հայկական պետական մանավարժական համալսարան ԺԱՄԱՆԱԿԻ ՊԱՏԿԵՐՈՒՄԸ ՍՆՈՒՆԴ ԱՐՏԱՀԱՅՏՈՂ ԲԱՌԱՅԻՆ ՄԻԱՎՈՐՆԵՐՈՎ ԱՆԳԼԻԱԿԱՆ ԵՎ ՀԱՅԿԱԿԱՆ ՀԵՔԻԱԹՆԵՐՈՒՄ

araqyal

«Սբ. Թադեոս առաքյալի վանքի ուխտագնացությունը» գրանցվեց ՅՈՒՆԵՍԿՕ-ի ՈՆՄԺ ներկայացուցչական ցանկում

Հայտարարություններ

ՅՈՒՆԵՍԿՕ-ի 2003 թվականի «Ոչ նյութական մշակութային ժառանգության պաշտպանության մասին» կոնվենցիայի՝ Փարիզում անցկացվող 15-րդ առցանց նստաշրջանի ընթացքում՝ դեկտեմբերի 17-ին, գրանցվել է Իրանի Իսլամական Հանրապետության հետ պատրաստված «Սուրբ Թադեոս առաքյալի վանքի ուխտագնացությունը» թեմայով ՀՀ հայտը: Սուրբ Թադեոսի (Թադեի) վանքը համարվում է քրիստոնեության հաստատման առաջին վկայություններից մեկը պատմական Հայաստանում: Այն գտնվում է պատմական Արտազ գավառում՝ ժամանակակից Իրանի Մակուի շրջանում: Կառուցվել է Հայ առաքելական եկեղեցու հիմնադիր համարվող առաքյալներից մեկի՝ Թադեոսի հիշատակին: 2008 թ. Իրանի Իսլամական Հանրապետության ներկայացմամբ Թադեի վանքը Ս. Ստեփանոս և Ձորձոր վանքերի հետ «Հայկական եկեղեցիները Իրանում» անվամբ գրանցվել է ՅՈՒՆԵՍԿՕ-ի համաշխարհային ժառանգության ցանկում:

Սուրբ Թադեոս առաքյալի վանքը և նրա շուրջ ծավալված ուխտագնացությունը Իրանի Իսլամական Հանրապետությունում հայկական դարավոր մշակութային ներկայության և շարունակականության, մշակութային, կրոնական ինքնատիպությունը պահպանելու ջանքերի ու հաջողումների առանձնահատուկ երկխոսության վկայությունն է: Այն հատուկ նշանակություն ունի ողջ հայության համար: Ամեն տարի` հուլիս ամսին նախանշված օրերին, կազմակերպվում է Թադեոս առաքյալին նվիրված եռօրյա ուխտագնացություն, և բազմաթիվ հայ քրիստոնյաներ Իրանից, Հայաստանից ու արտերկրից մասնակցում են այդ ուխտագնացությանը: Տեղի են ունենում պատարագ, մատաղի արարողություններ, մկրտություններ, ժողովրդական երգ ու պար: Հայտը պատրաստվել է ՀՀ Կոտայքի մարզի Սոլակ և Գեղարքունիքի մարզի Դդմաշեն համայնքների` այդ ուխտագնացության մշակույթը կրողների, Երևանի Սուրբ Հովհաննես Մկրտիչ եկեղեցու ուխտավորների համայնքի մասնակցությամբ, ինչպես նաև Իրանի ՅՈՒՆԵՍԿՕ-ի ազգային հանձնաժողովի, Իրանի մշակութային ժառանգության, տուրիզմի և ձեռարվեստի նախարարության, Իրանի պատմական եկեղեցիների կենտրոնի, ՀՀ արտաքին գործերի, ՀՀ կրթության, գիտության, մշակույթի և սպորտի նախարարությունների, Հայաստանյայց Առաքելական Սուրբ Եկեղեցու, ինչպես նաև «ՀՀ ԳԱԱ հնագիտության և ազգագրության ինստիտուտ» և «Հովհաննես Շարամբեյանի անվան ժողովրդական արվեստների թանգարան» ՊՈԱԿ-ների համագործակցությամբ: «Սուրբ Թադեոս առաքյալի վանքի ուխտագնացությունը» հայտի գրանցումն արժևորվում է այն հանգամանքով, որ այն ներկայացնում է նյութական և ոչ նյութական մշակութային ժառանգության համատեղ պահպանությունն ու կենսունակության ապահովումը, ինչպես նաև հայ-իրանական մշակութային համագործակցությունը: Տեղեկանք: Հայաստանը «Ոչ նյութական մշակութային ժառանգության պաշտպանության մասին» ՅՈՒՆԵՍԿՕ-ի 2003 թ. կոնվենցիան վավերացրել է 2006 թ. և մինչ օրս ՅՈՒՆԵՍԿՕ-ի մարդկության ոչ նյութական մշակութային ժառանգության ներկայացուցչական ցանկում գրանցել է հետևյալ տարրերը. «Դուդուկն ու իր երաժշտությունը» (2008 թ.), «Հայկական խաչքարի արվեստ. խաչքարի խորհուրդն ու խաչքարագործությունը» (2010 թ.), «Սասնա ծռեր կամ Սասունցի Դավիթ էպոսի կատարողական դրսևորումները» (2012 թ.), «Լավաշ. ավանդական հացի պատրաստումը, նշանակությունը և մշակութային դրսևորումները Հայաստանում» (2014 թ.), «Քոչարի. ավանդական խմբապար» (2017 թ.), «Հայկական տառարվեստը և դրա մշակութային դրսևորումները» (2019 թ.):

fresco

Վերադարձ ինքնությանը. Կաղանդ և Սուրբ Ծնունդ

Հայտարարություններ

Հաշված օրեր են մնացել տարվա ավարտին: Անցնող տարին դժվարին փորձությունների և կորուստների տարի էր յուրաքանչյուրիս համար: Ու չնայած բոլոր դժվարություններին և անկումներին՝ Նոր տարին (Կաղանդը) և Սուրբ Ծնունդն իրենց ընդհանրական խորհրդով ու բովանդակությամբ՝ այսօր էլ արդիական են հայ մշակույթի և ինքնության համատեքստում: Այսպիսով, կարևորելով ազգային ինքնությանը վերադառնալու մերօրյա հրամայականը՝ Ժողովրդական արվեստների թանգարանն առցանց հարթակում Ձեզ կներկայացնի հետաքրքիր և ճանաչողական զրույց-հանդիպում ժողովրդական վարպետ տիկին Լալա Մնեյանի և «Տոնացույց» հասարակական կազմակերպության նախագահ տիկին Հասմիկ Բաղրամյանի հետ: Դեկտեմբերի 22–ին՝ ժամը 19:00–ին, մեր ուղիղ եթերում կլսեք Կաղանդի և Սուրբ Ծննդյան խորհրդին, բովանդակությանը, ծիսական հիմնական բաղադրիչներին, ավանդույթներին, ինչպես նաև Կաղանդ պապի կերպարին առնչվող մեկնաբանություններ: Իսկ վերջում կսովորենք միասին Ավետիսներ երգել: Հաղթելու ենք մշակույթով…