Մարտի 7-ին, ժամը 16:00-ին «Թեքեյան» մշակութային միությունում կկայանա ասեղնագործության վարպետներ Ծովակ Գանթարջյանի, Աիդա Սանթուրյանի և Հուրի Իփեքճյանի «Արմատներ» խորագրով ասեղնագործ աշխատանքների ցուցադրության բացումը։
Ասեղնագործության վարպետները, որոնք ստեղծագործում են արդեն 35 տարուց ավելի, տարիներ առաջ Հայաստան են եկել Սիրիայի տարբեր հայաշատ քաղաքներից՝ իրենց հետ բերելով Մարաշի, Ուրֆայի, Վանի, Սվազի և այլ շրջանների ասեղնագործության ավանդույթները։ Հայաստան տեղափոխվելուց հետո նրանք կատարելագործել են ասեղնագործության հմտությունները՝ իրենց ստեղծագործություններում ավանդականը համադրելով նորաձևի հետ, որպեսզի նոր սերունդը ընդունի և փոխանցի այն։ Կներկայացվեն սփռոցներ, բարձերի ծածկոցներ, խաղալիքներ, պայուսակներ և դեկորատիվ-կիրառական արվեստի այլ իրեր, որոնցում արտացոլված են հայկական ասեղնագործության նրբագեղ և յուրահատուկ կողմերը, դարերի պատմություն և նշանակություն ունեցող ասեղնակարերը։