Մարտի 24-ին Մեղրաձորի Սամվել Մուրադյանի անվան մարզամշակութային կենտրոնը միջոցառում էր կազմակերպել, որի շրջանակում մասնակիցները Ծաղկազարդի ավանդական շրջերթով պտտվեցին գյուղացիների տներում և Կարկաչաներ երգելով, Նուրի կանչելով ու օրհնանքներ տալով ու ստանալով՝ հավաքեցին Զատկի ձվախաղերի ձուն ու քաղցրավենիքը։ Շրջայցն ավարտվեց Մեղրաձորի Սբ. Աստվածածին եկեղեցու բակում՝ ավանդական երգ ու պարով, խաղերով, Ծաղկազարդին հատուկ ծիսական ուտեստի և նվիրաբերված քաղցրավենիքի համտեսով։