edmon

French-Armenian cartoonist famed as author of top magazines’ cover page images

Հայազգի Էդմոն Քիրազին համարում են ժամանակակից աշխարհի ամենավառ ծաղրանկարիչը, որի պատկերազարդումները դեռևս 20-րդ դարի կեսերից դարձել են քաղաքականության, հասարակական կյանքի և համոզմունքների անբաժան մասը:

Ինչպես գրում է Rusarminfo-ն, Քիրազը ծնվել է 1923 թվականին Կահիրեում՝ Թուրքիայից Եգիպտոս հասած Լևոն Քիրազի և Էլիզ Սեթյանի ընտանիքում: Իր առաջին քաղաքական ծաղրանկարները 17 տարեկանում հրատարակել է եգիպտական թերթերում:

1946-ին ընտանիքով տեղափոխվել է Փարիզ, որտեղ էլ նկատել են երիտասարդ նկարչի տաղանդը: 1950-ականներին արդեն քաղաքական թեմայով նրա ծաղրանկարները հայտնվում էին ֆրանսիական թերթերում, ինչպիսիք են La Bataille-ն, Le Rouge et le Noir-ը, Samedi Soir-ը և Ici Paris-ն:

1960-ականներին ստեղծված պատկերազարդումները, որոնք ներկայացնում էին Փարիզի կանանց բարոյական սկզբունքները, տպագրվել են տարբեր ֆրանսիական հրատարակությունների կողմից, ինչպես օրինակ՝ Paris Match, Vogue, Glamour ամսագրերի, ինչպես նաև Իսպանիայում և Իտալիայում հայտնի թերթերի:

1970-ականներին նրա աշխատանքներից ոգեշնչված՝ PlayBoy ամսագրի երջանկահիշատակ հիմնադիր Հյու Հեֆերնը Քիրազին առաջարկել է հումորային պատմություններ ստեղծել տղամարդկանց ամսագրի համար:

Իր ողջ կարիերայի ընթացքում ֆրանսահայ ծաղրանկարիչը համագործակցել է խոշորագույն գովազդային գործակալությունների հետ, այդ թվում և գերմանական Nivea գերմանական ընկերության արտադրանքների գովազդների համար:

Այսօր էլ Էդմոն Քիրազը շարունակում է իր ստեղծագործական աշխատանքը և վարպետաց դասեր է տալիս Ֆրանսիայում և Եվրոպայի այլ երկրներում:

charles-azn

Aznavour: I hope to be on stage until I am 100

Ֆրանսահայ լեգենդար շանսոնյե Շառլ Ազնավուրը ֆրանսիական «Ֆիգարո» պարբերականին տված հարցազրույցում ասել է, որ հույս ունի երգել մինչև 100 տարեկան դառնալը։ «Հուսով եմ, տեսնենք…»,- ասել է շանսոնյեն լրագրողին։ 93-ամյա լեգենդար երգիչը հայտնել է, որ նա «գործող» ամենածեր երգիչն է աշխարհում։ «Թոնի Բենեթն ընդամենը 91 տարեկան է, երեխա է դեռ»,- կատակել է շանսոնյեն։ Պարբերականը գրում է, որ Ազնավուրը, չնայած իր տարիքին, չի կորցրել իր պատանեկան ոգին։ 93 տարեկանում նա դեռ համերգներ է տալիս և դահլիճներ լցնում։ Հիշեցնենք, որ օգոստոսին Հոլիվուդի Փառքի ծառուղում բացվել է աշխարհահռչակ շանսոնյեի անվանական աստղը: Ազնավուրի ժողովրդականությունը տարածվել է տարբեր սերունդների շրջանում: Պատահական չէ, որ 1998-ին CNN-ի և Time-ի առցանց հարցման արդյունքում Շառլ Ազնավուրը ճանաչվել է «20-րդ դարի արտիստ»՝ շրջանցելով այնպիսի հանրահայտ կատարողների, ինչպիսիք են Էլվիս Փրեսլին, Բոբ Դիլանը և Ֆրենկ Սինատրան: Շառլ Ազնավուրը միջազգային ասպարեզում ռեկորդային 180 մլն ձայնասկավառակ է վաճառել: Իր կարիերայի ընթացքում նա 1400 երգ է ձայնագրել, որոնցից 1300-ի հեղինակն ինքն է: Շանսոնյեն 390 ալբոմ է թողարկել բազմաթիվ լեզուներով՝ ֆրանսերեն, հայերեն, անգլերեն, ռուսերեն, գերմաներեն, իտալերեն, իսպաներեն:

arar

Reception at the “National dance” section of “Arar” center in Khachik village

«ԱՐԱՐ» կենտրոնը ստեղծվել է ՀՀ մշակույթի նախարար Արմեն Ամիրյանի և նախարարի խորհրդական Արսեն Գրիգորյանի մտահղացմամբ և նախաձեռնությամբ: Նպատակը Հայաստանի մարզերում ժողովրդական մշակույթի պահպանումն է, զարգացումը, տարածումն ու հանրահռչակումը:

Ծրագիրը կենտրոնանում է հետևյալ հիմնական ոլորտների վրա՝ ազգագրական երգ ու պար, կերպարվեստ, գորգագործություն ու կարպետագործություն, ժանյակագործություն ու ասեղնագործություն, խեցեգործություն, քարի, փայտի և մետաղի գեղարվեստական մշակում և խաչքարագործություն։

Ծրագրի իրականացման համար ՀՀ քաղաքներում և գյուղերում ընտրվել են համապատասխան ժողովրդական ստեղծագործության տեղաբնակ մասնագետներ, որոնք կիրականացնեն ժողովրդական մշակույթի տվյալ ճյուղի ուսուցումը:

poqrik-ergichner

“Little singers of Armenia” participated in a prestigious festival in Israel

Հայաստանի փոքրիկ երգիչները Իսրայելում մասնակցել են հեղինակավոր փառատոնի և հանդես եկել տարբեր համերգներով․

«Հայաստանի փոքրիկ երգիչներ» երգչախումբը Տիգրան Հեքեքյանի ղեկավարությամբ՝ ս. թ. հոկտեմբերի 5-15-ը, Իսրայելում մասնակցել է խմբերգային արվեստի «Աբու-Գոշ» փառատոնին։ Երգչախումբ նաև համերգներով հանդես է եկել Իսրայելի Ռեհովոտ, Ակկո, Երուսաղեմ, Նազարեթ, Բեթղեհեմ, Էմեկ-Էֆեր, Աբու-Գոշ քաղաքներում:

Երգչախմբի հյուրախաղերն իրականացվել են ՀՀ մշակույթի նախարարության և անհատ հովանավորների աջակցությամբ:

Շրջագայության շրջանակում «Հայաստանի փոքրիկ երգիչների» կատարմամբ հնչել են հայ և արտասահմանյան հոգևոր, դասական, ժամանակակից, ջազային, հրեական ստեղծագործություններ: Իսրայելական տարբեր դահլիճներում և տաճարներում հնչած կատարումները դիմավորվել են հոտընկայս, բուռն ծափահարություններով։

Համերգներին ներկա էին նաև Երուսաղեմի երաժշտական կրթության գլխավոր տեսուչ՝ Բեզալել Կուպերվասսերը, Երուսաղեմի երաժշտական ակադեմիայի խմբավարական ֆակուլտետի ղեկավար՝պրոֆեսոր Սթենլի Սփերբերը, Երուսաղեմի երաժշտական ակադեմիայի վոկալ ֆակուլտետի ղեկավար՝ Անատ Էֆրատին:

Լուսանկարները ներբեռնել այստեղ:

rolan

Rolan 13-th International Film Festival kicks off

Ս. թ. նոյեմբերի 7-ին, ժամը 19:00-ին, «Մոսկվա» կինոթատրոնում կմեկնարկի «Ռոլան» մանկապատանեկան ֆիլմերի 13-րդ միջազգային փառատոնը:

 Փառատոնն այս տարի ստացել է 950 հայտ` շուրջ 57 երկրից: Դրանցից 180 ֆիլմ ընդգրկվել է մրցութային և ոչ մրցութային ծրագրերում:
 

«Ռոլան» կինոփառատոնն այս տարի կբացվի օսկարակիր «Երգիր» /ռեժիսոր՝ Քրիստոֆ Դեակ, Հունգարիա/ ֆիլմով:

Փառատոնի ծրագիրը /կցվում է/ ներառում է 2017 թ. ստեղծված  լավագույն մանկապատանեկան ֆիլմերի ցուցադրություն, վարպետության դասեր, ստեղծագործական երեկոներ, պրեմիերաներ, միջազգային կինոփառատոնների շնորհանդեսներ, workshop-եր, կլոր սեղաններ, ցուցահանդեսներ, համերգներ, հանդիպումներ հանրակրթական դպրոցներում և արվեստի կենտրոններում:

Միջոցառումները նախատեսվում են անցկացնել «Մոսկվա» կինոթատրոնում, «Մոսկվայի տուն» մշակութագործարարական կենտրոնում, Երևանի թատրոնի և կինոյի պետական ինստիտուտում, Հայ-ռուսական /Սլավոնական/ համալսարանում, Ռուսաստանի գիտության և մշակույթի կենտրոնում, «Թումո» ստեղծարար տեխնոլոգիաների կենտրոնում, Ալավերդու մշակույթի տանը, Գավառի մանկատանը և այլուր:

Փառատոնի շրջանակում Երևան կժամանեն հյուրեր Ռուսաստանից, Ֆրանսիայից, Գերմանիայից, Սլովակիայից, Հունգարիայից, Չեխիայից, Լեհաստանից: Կկայանան «Նիկոստրատոս հավալուսնը» /Ֆրանսիա/ և «Երալաշ» /ռեժիսոր՝  Բորիս Գրաչևսկի, Ռուսաստան/ ֆիլմերի հատուկ ցուցադրությունները, ինչպես նաև Կարեն Շահնազարովի «Աննա Կարենինա. Վռոնսկու պատմությունը» /Ռուսաստան/, «Սարերի հրաշքը. անսպասելի ընկերություն» /ռեժիսոր՝  Տոբիաս Վիեմանն, Գերմանիա/, «Վենդի» /Գերմանիա/ ֆիլմերի պրեմիերաները:

13-րդ փառատոնի յուրաքանչյուր անվանակարգի մանկապատանեկան ժյուրին կազմված է լինելու մարզաբնակ երեխաներից` Լոռու մարզ /Վանաձոր և Ալավերդի քաղաքներ, Թեղուտ և Շնող համայնքներ/ և Գեղարքունիքի մարզ /Գավառ/, ինչպես նաև ՀՀ և ԱՀ զորամասերի զինվորներից:

Փառատոնի փակումը տեղի կունենա նոյեմբերի 11-ին` ժամը 19:00-ին, «Մոսկվա» կինոթատրոնում, որի ընթացքում կամփոփվեն կինոդիտումների արդյունքները, կհայտարարվեն մրցանակի արժանացած ֆիլմերը, հանդիսավոր կերպով կհանձնվեն Գրան պրին և մրցութային անվանակարգերի մյուս մրցանակները:

Ազդագիրը ներբեռնել այստեղ:

new-york

“Armenia” exhibition at The Metropolitan Museum of Art in New York

2018 թվականի սեպտեմբերի 21-ից մինչև 2019 թվականի հունվարի 13-ը Նյու Յորքի Մետրոպոլիտեն արվեստի թանգարանում տեղի կունենա «ՀԱՅԱՍՏԱՆ» խորագրով բացառիկ ցուցահանդեսը, որը ներկայացնում է հայ ժողովրդի պատմամշակութային ժառանգությունը՝ սկսած քրիստոնեության ընդունումից (4-րդ դար) և հայոց գրերի գյուտը (5-րդ դար) մինչև 17-րդ դար։ Ցուցահանդեսը բացվելու է 2018 թվականի սեպտեմբերի 21-ին՝ Հայաստանի Անկախության օրը։

Հայաստանի խոշոր թանգարաններից՝ Հայաստանի պատմության թանգարանից, Մայր Աթոռ Սուրբ Էջմիածնի թանգարաններից և Մատենադարանից ութսունմեկ ընտրված նմուշների հետ ցուցահանդեսին կներկայացվեն նաև Երուսաղեմի Սբ. Հակոբյանց հայկական եկեղեցուց, Կաթողիկոսությունից փոխառված նմուշներ։ Մեծի Տանն Կիլիկիո, Վենետիկի Մխիթարյան միաբանությունը, Գալուստ Կյուլբենկյան հիմնադրամը, մշակութային այլ կենտրոններ և մասնավոր հավաքածուներ։

Հայաստանի պատմության թանգարանի 34 ամենաարժեքավոր նմուշներից մեկը՝ 4-5-րդ դարերի Խարաբավանքի քառակողմ ստելան (Արագածի հարավային լանջի Ուջան գյուղի մոտ) այս ցուցահանդեսում առանցքային և բացառիկ նշանակություն ունի, քանի որ հայ մշակույթի և արվեստի յուրահատուկ երևույթ՝ որպես դրա ծագման փաստացի վկայություն։

Ցուցահանդեսում ընդգրկված ավելի քան 140 նմուշներ՝ տարբեր նյութերի, ձևերի ու տեսակների հետքերով, տարբեր ժամանակների ու մշակութային միջավայրերի համատեքստում, կվերստեղծեն Հայաստանի մնայունության մասին վկայող հոգևոր արժեքների սկզբնական ժամանակագրությունը և անորոշ ընթացքը։ ներկայությունն ու ներդրումը համաշխարհային քաղաքակրթության մեջ։

Աղբյուրը` www.historymuseum.am

unesco-adis-abeba

UNESCO’s cultural heritage 11th meeting in Adis Abeba

Ս. թ. նոյեմբերի 28-ից դեկտեմբերի 2-ը Եթովպիայի Դաշնային Ժողովրդավարական Հանրապետության մայրաքաղաք Ադիս Աբեբայում տեղի ունեցավ ՅՈՒՆԵՍԿՕ-ի ոչ նյութական մշակութային ժառանգության կոնվենցիայի 11-րդ նստաշրջանը: Մասնակցում էին աշխարհի 121 երկրների` 712 ներկայացուցիչներ, այդ թվում, կոնվենցիային միացած անդամ երկրների, ՅՈՒՆԵՍԿՕ-ի հովանու ներքո գործող հասարակական կազմակերպությունների ներկայացուցիչներ, դիտորդներ, ինչպես նաև տարբեր երկրների լրատվամիջոցներ: 

Նստաշրջանի ընթացքում քննարկվեցին ՅՈՒՆԵՍԿՕ-ի մշակութային ժառանգության հիմնադրամի վերաբերյալ արտաքին աուդիտորների հաշվետվությունը, որին հաջորդեց անվանակարգերի, առաջարկների և աջակցության խնդրանքների գրանցման, ընտրության կամ հաստատման վերաբերյալ որոշումների կայացման գործընթացի պարզաբանումը: Քննարկվեցին Կոնվենցիայի կիրարկման մասին 12 զեկույց, որից 6 պարբերական և 6 անհապաղ պաշտպանության կարիք ունեցող ոչ նյութական մշակութային ժառանգության ցանկում ընդգրկված տարրերի կարգավիճակի վերաբերյալ: Նստաշրջանի օրակարգի կարևոր հարցերից էր առաջադրված նոր հայտերի քննարկումները: Ներկայացվել էր 7 հայտ` Անհապաղ պաշտպանության կարիք ունեցող ոչ նյութական մշակութային ժառանգության ցանկում ներառելու, 37 հայտ` Մարդկության ոչ նյութական մշակութային ժառանգության ներկայացուցչական ցանկում ընդգրկելու, 7 հայտ` Ոչ նյութական մշակութային ժառանգության հիմնադրամի կողմից անդամ պետություններին տրամադրվող միջազգային աջակցություն ստանալու նպատակով: 

Գրանցման ներկայացված հայտերի շարքում էր հինգ երկրների (Ադրբեջան, Իրանի Իսլամական Հանրապետություն, Ղազախստան, Ղրղզստան, Թուրքիա) պատրաստած «Տափակ հաց պատրաստելու և հյուրասիրելու մշակույթ. լավաշ, կաթրմա, ժուպկա, յուֆկա» անվանմամբ համատեղ հայտը, որի քննարկման ընթացքում Հայաստանի պատվիրակության դիտարկումների հիման վրա միջկառավարական Կոմիտեի կողմից 2014 թվականին Կոմիտեի 9-րդ նստաշրջանի ընթացքում ընդունված «Լավաշ, ավանդական հացի պատրաստումը, նշանակությունը և մշակութային դրսևորումները Հայաստանում» հայտի վերաբերյալ համապատասխան հղում (որոշում 9.COM 10.3) արվեց վերոնշյալ հայտի որոշման նախագծում: Այսպիսով, հաստատվեց, որ «տարածաշրջանի, ինչպես նաև այլ երկրներում ապրող համայնքները կիրառում են հայտում ներկայացված «տափակ հացի» տեսակները»: Կոմիտեն իր որոշմամբ փաստում է, որ համատեղ հայտում նշվող տարրի գրանցումը չի ենթադրում, որ այն բացառիկ է, այլ կիրառվում է նաև «տարածաշրջանում և դրանից դուրս», իսկ «տափակ հացի» տեսակներից մեկը` լավաշը, դեռևս 2014 թ. ընդգրկվել է Ներկայացուցչական ցանկում, որպես Հայաստանում կիրառվող տարր: Նստաշրջանի արդյունքում, ՅՈՒՆԵՍԿՕ-ի ոչ նյութական մշակութային ժառանգության ներկայացուցչական, անհապաղ պաշտպանության և լավ փորձի պահպանման ցանկերում գրանցվեցին 43 հայտ: 

ՅՈՒՆԵՍԿՕ-ի 2003 թ. ոչ նյութական մշակութային ժառանգության Կոնվենցիայի միջկառավարական Կոմիտեն կազմված է Կոմիտեի անդամ 24 երկրներից և Հայաստանն այդ Կոմիտեի անդամ է ընտրվել 2016 թ. հունիսին` 4 տարի ժամկետով:

 Հայաստանը «Ոչ նյութական մշակութային ժառանգության պաշտպանության մասին» ՅՈՒՆԵՍԿՕ-ի 2003 թ. կոնվենցիան վավերացրել է 2006 թ. և մինչ օրս ՅՈՒՆԵՍԿՕ-ի մարդկության ոչ նյութական մշակութային ժառանգության ներկայացուցչական ցանկում արդեն գրանցել է հետևյալ տարրերը. «Դուդուկն ու իր երաժշտությունը» (2008 թ.), «Հայկական խաչքարի արվեստ. խաչքարի խորհուրդն ու խաչքարագործու­թյունը» (2010 թ.), «Սասնա ծռեր կամ Սասունցի Դավիթ էպոսի կատարողական դրսևորումները» (2012 թ.), «Լավաշ. ավանդական հացի պատրաստումը, նշանակությունը և մշակութային դրսևորումները Հայաստանում» (2014 թ.): 

Ս. թ. դեկտեմբերի 6-ին, ժամը 13:00-ին, ՀՀ մշակույթի նախարարությունում տեղի է ունեցել  ՅՈՒՆԵՍԿՕ-ի Ոչ նյութական մշակութային ժառանգության պահպանության միջկառավարական կոմիտեի` Ադիս Աբեբայում կայացած 11-րդ նիստի արդունքներն ամփոփող մամուլի ասուլիս: Մամուլի ասուլիսին մասնակցում էին ՀՀ մշակույթի նախարարի տեղակալ Արև Սամուելյանը, ՀՀ  արտաքին գործերի նախարարության միջազգային կազմակերպությունների վարչության պետ Վահրամ Կաժոյանը (Հայաստանի` ՅՈՒՆԵՍԿՕ-ի ազգային հաձնաժողովի գլխավոր քարտուղար), ՀՀ մշակույթի նախարարության աշխատակազմի մշակությային ժառանգության և ժողովրդական արհեստների վարչության գլխավոր մասնագետ Նաիրա Կիլիչյանը:

121227

The anniversary exhibition dedicated to the 100th anniversary of the artist Arpenik Nalbandian

2016 թ. հոկտեմբերի 28-ին, ժամը 15:00-ին, Հայաստանի ազգային պատկերասրահում կբացվի գեղանկարիչ Արփենիկ Նալբանդյանի ծննդյան 100-ամյակին նվիրված հոբելյանական ցուցահանդեսը:

Արփենիկ Նալբանդյանի 100-ամյակին նվիրված ցուցահանդեսն ընդգրկում է ստեղծագործական զանազան փուլերի գեղարվեստական երկեր` Հայաստանի ազգային պատկերասրահի մշտական ցուցադրության և ֆոնդային շուրջ 48 գեղանկարներ, ընտանիքի հավաքածուի 17 կտավ: Այս համագործակցության շնորհիվ Հայաստանի ազգային պատկերասրահում հայ արվեստասեր հանրությանը կներկայացվի Ա. Նալբանդյանի 65 աշխատանքները: Հոբելյանական ցուցահանդեսի առթիվ հրատարակվել է նաև գեղանկարչի ստեղծագործությունների պատկերագիրքը: Արփենիկ Նալբանդյանն աշխատել է տարբեր ժանրերում՝ դիմանկար, բնանակար, նատյուրմորտ, սակայն դիմանկարը նրա արվեստում մշտապես գերակշիռ տեղ է զբաղեցրել: Գեղանկարիչը վրձնել է շուրջ 300 աշխատանք, որոնք պահվում են Հայաստանի ազգային պատկերասրահի հավաքածուում, Հայաստանի պատմության թանգարանում, ընտանիքի և մասնավոր այլ հավաքածուներում:

Արփենիկ Նալբանդյանը ծնվել է 1916 թվականին, Վրաստանում, մասնագիտական կրթություն ստացել է Թիֆլիսի Գեղարվեստի ակադեմիայում: 1941 թվականին ամուսնանալով Էդուարդ Իսաբեկյանի հետ, Նալբանդյանը տեղափոխվել է Երևան և ներգրավվել երկրի մշակութային կյանքին: Արփենիկ Նալբանդյանը մահացել է 1964 թվականին, Երևանում:

121227
121226
121233
gorger

Demonstration of Armenian carpets and ornamented clothes at the Royal Fortress Museum in Warsaw

Հայկական գորգերի և զարդանախշերի մոտիվներով զգեստների ցուցադրություն՝ Վարշավայի Թագավորական ամրոց-թանգարանում․

Ս. թ. սեպտեմբերի 14-ին, Վարշավայի Թագավորական ամրոց-թանգարանի Արցախյան գորգերի ցուցասրահում տեղի է ունեցել հագուստի մոդելավորող Լիլիթ Մելիքյանի հեղինակած հայկական գորգերի և զարդանախշերի մոտիվներով զգեստների ցուցադրությունը՝ նվիրված Հայաստանի Հանրապետության անկախության 25-րդ տարեդարձին:

Ցուցադրությունը կազմակերպվել է Լեհաստանում ՀՀ դեսպանության և Վարշավայի Թագավորական ամրոց-թանգարանի համատեղ ջանքերով, ինչպես նաև Լյուբլինի սննդի եվրոպական փառատոնի տնօրինության աջակցությամբ: Ցուցադրությանը ներկա էին Լեհաստանում հավատարմագրված դեսպանների կանանց ասոցիացիայի անդամները, դիվանագետներ, հայ համայնքի ներկայացուցիչներ, բազմաթիվ հյուրեր:

Հայկական գորգագործության ավանդույթների, զարդանախշերի և գորգերի պատրաստման առանձնահատկությունների մասին դասախոսությամբ հանդես է եկել Երևանի Խաչատուր Աբովյանի անվան հայկական պետական մանկավարժական համալսարանի դիզայնի և դեկորատիվ-կիրառական արվեստի ամբիոնի վարիչ Անուշ Եղիազարյանը:

Միջոցառումն ուղեկցվել է հայկական ժողովրդական երգ ու պարով։

komitas

«Through the eternity path»: Komitas Museum-Institute will host a concert of «Dellalyan» trio

On September 6, 2016 at 19:00 Komitas Museum-Institute will host a concert «Through the eternity path». The evening will begin with a screening of the film, telling about «Dellalyan» trio followed by a performance of theworks of composer A. Dellalyanby «Dellalyan» trio: LevonMouradian (cello), Marina Dellalyan (piano), NarineDellalyan (violin) (with the participation of the Honoured Artist of the Republic of Armenia, pianist HaykMelikyan). You will hear the composer’s works such as «Sonata», «Sonata-Poem» and «Dedicated to Komitas». Entrance is free.