Մարտի 21-ին, ժամը 16:00-ին Երևան քաղաքի պատմության թանգարանում կբացվի «Տիկնիկային պատմություններ» խորագրով ցուցահանդեսը: Կներկայացվեն մասնավոր հավաքածուներից մեկտեղված հնաոճ, հուշանվերային, ինչպես նաև հեղինակային տիկնիկներ:
Ցուցահանդեսի առանձնահատկություններից մեկն այն է, որ տիկնիկները տեղ կգտնեն թանգարանի ֆոնդերից մեկում, որտեղ ներկայացված է 19-րդ դարի Երևանին բնորոշ կահույքը: Ցուցահանդեսը կգործի մինչև տարեվերջ: