Եղեգնաձորի երկրագիտական թանգարանը հունիսի 12-ին՝ ժամը 14։00-ին, երեխաներին հրավիրում է մասնակցելու կավագործության վարպետաց դասի, որի ընթացքում կավագործ վարպետ Զաքար Մկրտչյանի օգնությամբ նրանք կպատրաստեն թանգարանային որոշ գեղեցիկ նմուշների կրկնօրինակներ և կտանեն իրենց հետ։
Մուտքը` 3000 դր․։
Գրանցվել հետևյալ հեռախոսահամարով՝ 098697403։
Նոյեմբերյանի Մշակույթի կենտրոնը հրավիրում է 5–15 տարեկան երեխաներին մասնակցելու թաղիքագործության անվճար բաց դասերին։
Առաջին հանդիպումը՝ հունիսի 15-ին՝ ժամը 11:00-ին։
Դասընթացները վարում է փորձառու թաղիքագործ Դիանա Մամյանը։
Մուտքն ազատ է։
Հեռախոսահամար՝ 098 51 89 92։
Green Rock հիմնադրամը, նպատակ ունենալով պահպանել և տարածել հայկական մշակութային ժառանգությունը,Հայկական գործվածքի թանգարանի հետ համագործակցությամբ, մեկնարկում է արվեստի տարբեր ճյուղերին նվիրված վարպետության դասերի շարք Դիլիջանում։
Այս վարպետության դասերը «Ամառային ծրագրի» մի մասն են, որը շարունակվելու է ամբողջ ամառվա ընթացքում՝ համախմբելով մշակույթի, ստեղծագործության և ավանդույթների սիրահարներին։
Շարքի առաջին հանդիպումը նվիրված է հայկական կարպետագործության արվեստին՝ մասնակիցներին հնարավորություն ընձեռելով ծանոթանալու հայկական արհեստագործական մշակույթի կարևորագույն ավանդույթներից մեկին։
Ժամը և օրը՝ 11.06.2026, 15:30–17:30
Վայրը՝ Հայկական գործվածքի թանգարանի պատշգամբ, Կալինինի փողոց 1, Դիլիջան
Հովհաննես Շարամբեյանի անվան Ժողովրդական արվեստների թանգարանը «ՖՈԼԿԱՆԻՎ» ծրագրի շրջանակներում Հրանտ Բաղդագյուլյան արվեստանոցի հետ համատեղ հայտարարում է ընդունելություն ժանեկագործության խմբակում։
Դասընթացը լիովին անվճար է, կարող են գրանցվել 14-100 տարեկան բոլոր ցանկացողները։
– Մեկնարկը՝ հունիսից
– Շաբաթվա օրեր՝ շաբաթ և կիրակի
– Տևողությունը՝ 3 ամիս
– Դասընթացավար՝ Իրինա Գրիգորյան
– Վայր՝ Գորիսի Հրանտ Բաղդագուլյանի արվեստանոց (Սյունիքի 14):
Գրանցվելու համար կարող եք զանգահարել +374 94 943053 հեռախոսահամարով։
Ծրագիրն իրականացվում է ՀՀ ԿԳՄՍ նախարարության աջակցությամբ:
Մայիսի 28-ին Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության թանգարանում տեղի ունեցավ միջոցառում, որի ընթացքում թանգարանին նվիրաբերվեցին «Կարին» ավանդական երգի-պարի խմբի հիմնադիր, պարագետ, մշակույթի վաստակավոր գործիչ Գագիկ Գինոսյանի անձնական իրերը, որոնք համալրեցին նորաբաց «Հայկական ժողովրդական պարարվեստ» մշտական ցուցադրությունը։
Կազմակերպվեց նաև հայ ավանդական պարերի բաց դաս՝ «Ծովակ» ավանդական երգի-պարի խմբի կողմից։
Լուսանկարը՝ Տիգրան Մադոյանի։
ՀՀ ոչ նյութական մշակութային ժառանգության պահպանության և հանրահռչակման ուղղությամբ իրականացվող աշխատանքների շրջանակում կարևոր քայլ է կատարվել․ Հայաստանի ոչ նյութական մշակութային ժառանգության արժեքների ցանկը ՀՀ կառավարության որոշմամբ համալրվել է նոր տարրերով՝ ընդգծելով ազգային մշակույթի բազմազանությունն ու կենսունակությունը։
Ներկա որոշմամբ ոչ նյութական մշակութային ժառանգության արժեքների ցանկը համալրվել է 12 նոր արժեքով՝ ընդհանուր թիվը հասցնելով 80-ի։
Նոր ընդգրկված տարրերն են՝
Ոչ նյութական մշակութային ժառանգության ցանկում ընդգրկված արժեքները հայ ժողովրդի մշակութային ինքնատիպության, պատմական հիշողության և ազգային ինքնության կարևոր արտահայտություններն են։ Դրանց պահպանումը, փոխանցումն ու հանրահռչակումը կարևոր դեր ունեն սերունդների միջև մշակութային շարունակականության ապահովման և միջազգային մշակութային հարթակներում Հայաստանի ճանաչելիության բարձրացման գործում։
Այս գործընթացի իրականացման հիմք է հանդիսանում «Հայաստանի Հանրապետության ոչ նյութական մշակութային արժեքների ցանկերի կազմման չափորոշիչները և ոչ նյութական մշակութային ժառանգության արժեքների ցանկը հասատատելու մասին» ՀՀ կառավարության 2010 թվականի մարտի 11-ի N 310-Ա որոշումը։ Նախաձեռնությունը բխում է ՀՀ կառավարության 2023 թվականի նոյեմբերի 9-ի N 1951-Լ որոշմամբ հաստատված Հայաստանի Հանրապետության մշակույթի պահպանության, զարգացման և հանրահռչակման 2023–2027 թվականների ռազմավարությունից, որի շրջանակում իրականացվում է Հայաստանի ոչ նյութական մշակութային ժառանգության համակարգված գույքագրում։
Կոմիտասի թանգարան-ինստիտուտում հունիսի 5-ին՝ ժամը 19։00-ին, տեղի կունենա ավանդական դարձած «Պարենք, երգենք միասին» միջոցառումը։
Ի՞նչ է սպասվում․
– հայ ավանդական պարերի ուսուցում՝ «Արեգ» ազգային պարի խմբի հետ (գեղարվեստական ղեկավար, պարուսույց՝ Արտավազդ Այվազյան),
-հայ ժողովրդական երգերի ուսուցում՝ Հասմիկ Բաղդասարյան-Դոլուխանյանի հետ։
Մասնակցության արժեքը՝ 1000 դրամ։
—
Երևան, Արշակունյաց 28
+374 11 570 570
Մայիսի 29-ին՝ ամսվա վերջին ուրբաթ օրը, «Կարին» ավանդական երգի-պարի խմբի հետ միասին տեղի ունեցավ «Մեր պարերը և մենք» սիրված միջոցառումը՝ Գաֆէսճեան քանդակների պարտեզում (Կասկադ):
ՅՈՒՆԵՍԿՕ-ի 2003թ․ «Ոչ նյութական մշակութային ժառանգության պաշտպանության մասին» կոնվենցիայի «Եվրոպական համակարգողների ցանց» նախաձեռնության տեղեկագրի 11-րդ թողարկման մեջ տեղ է գտել ՀՀ ԿԳՄՍ նախարարության մշակութային ժառանգության վարչության գլխավոր մասնագետ Նաիրա Կիլիչյանի անդրադարձը «Հիշողության թելեր» ծրագրին։
Ծրագիրը միավորում է սերունդներին՝ պահպանելու և փոխանցելու հայկական մշակութային ժառանգությունը։ Այն նպաստում է տարեցների սոցիալական ներառմանը և սփյուռքահայ երիտասարդների կապի ամրապնդմանը հայրենիքի հետ։
Դասերը վարում է ժողովրդական վարպետ Արմինե Խաչատրյանը։
Ծրագիրն իրականացվում է ՀՀ կրթության, գիտության, մշակույթի և սպորտի նախարարության աջակցությամբ՝ Տարեցների առողջության և խնամքի ապահովման ասոցիացիայի կողմից։
Սիրված ԿՈՄԻՏԱՍԱԿԱՆ ամառային դպրոցը վերադառնում է։
Ե՞րբ | Հուլիսի 6-11-ը
Որտե՞ղ | Կոմիտասի թանգարան-ինստիտուտում (Երևան, Արշակունյաց 28)
Ովքե՞ր կարող են մասնակցել | 7-14 տարեկանները
Ի՞նչ է սպասվում․
Մասնակցության համար երաժշտական կրթություն չի պահանջվում։ Մասնակիցներն ավարտին կստանան վկայականներ։ Արժեքը՝ 35․000 ՀՀ դրամ (սնունդը ներառյալ)։
Մասնակցության համար լրացրե՛ք դիմում-հայտը․ https://tinyurl.com/avuc7szh
Հայտերի ընդունման վերջնաժամկետ՝ հունիսի 30։