barekendann-ayghedzor-ev-chinar-gyugherum

Բարեկենդանն Այգեձոր և Չինարի գյուղերում

Հայտարարություններ

«Ահա՜ եկան Հայոց ազգին օրերը,

Հանեցե՜ք հիները, հագե՜ք նորերը»։

Հրավիրում ենք բոլորին՝ փետրվարի 27-ին, ժամը 13:00-ից մասնակիցը դառնալու Բարեկենդանյան տոնական ծիսակատարությանը, որը տեղի կունենա Տավուշի մարզի Այգեձոր և Չինարի գյուղերում։

Ծրագրում ներառված են․

  1. հարսանյաց ծեսի բեմականացում
  2. ազգային երգեր և պարեր,
  3. դիմակներով քայլերթ
  4. Այգեձորից դեպի Չինարի
  5. հին հայկական խաղեր
  6. ավանդական ուտեստների հյուրասիրություն
  7. Հովհաննես Թումանյանի «Բարեկենդանը», «Մի կաթիլ մեղրը» հեքիաթների ներկայացում
  8. այլ անակնկալներ։

Միջոցառման ողջ ընթացքում գլխավոր դերերում կլինեն ՄշակութաMET նախաձեռնության սաներն Այգեձորից, Չինարիից և Արծվաբերդից։

Մուտքը՝ ազատ, դիմակներով և/կամ հագուստի մեջ ներառված այլ ծիսական տարրերով, մասնակցային ակտիվությամբ, երգերի ու պարերի իմացությամբ, և ամենակարևորը՝ բարձր ու տոնական տրամադրությամբ։

barekendany-noracuyc-kentornum

Բարեկենդանը Տոնացույց մշակութային կենտրոնում

Հայտարարություններ

Տոնացույց մշակութային կենտրոնի հյուրընկալ տանիքի տակ կնշվի Բուն Բարեկենդանը:

Սկիզբը՝ ժամը 13:00-ին, Բյուրականի Սուրբ Հովհաննես եկեղեցու մոտից` անմիջապես պատարագից հետո:

Տոնը կշարունակվի արդեն Տոնացույց կենտրոնում` երգեր, պարեր, խաղեր, էթնիկ ուտեստի պատրասատում և տոնական ճաշկերույթ, հումոր և ժողովրդական իմաստություն։

Տոմսի արժեքը` 5000դր․, տրանսպորտով` 8000դր․։

Տեղեկատվության և ամրագրումների համար կարող եք զանգահարել +37491533553 հեռախոսահամարով։

barekendani-tonakatarutyuny-kentronum

Բարեկենդանը Կենտրոն վարչական շրջանում

Հայտարարություններ

Դարձե՛ք Բարեկենդանի տոնի մասնակիցը։

Բարեկենդանի տոնին նվիրված փետրվարի 25-ին՝ ժամը 15:00-ին, Կոնդի Սուրբ Հովհաննես եկեղեցու բակում տեղի կունենա համերգ-բեմականացում՝ «Մասունք»  ավանդական երգի-պարի համույթի մասնակցությամբ: 

Միջոցառմանը ելույթ կունենան հատուկ հրավիրված լարախաղացները:

dzeragorc-ireri-cucahandes

Ձեռագործ իրերի ցուցահանդես-վաճառք

Հայտարարություններ

«Տերյան մշակութային կենտրոն» ՀԿ-ի նախաձեռնությամբ փետրվարի 26-ին՝ ժամը 14։00-ից 18։00-ն, «Ռամադա» հյուրանոցում տեղի կունենա ձեռագործ իրերի ցուցահանդես-վաճառք:

Հայաստանի գյուղական և քաղաքային համայնքներում բնակվող արհեստագործ վարպետները կներկայացնեն ձեռագործ աշխատանքներ:

Մուտքն ազատ է:

aseghnagorcutyan-bac-das

Ասեղնագործության բաց դաս Փանիկում

Հայտարարություններ

Փետրվարի 19-ին, ժամը 14։00-ին «Խորոտ»-ը կանցկացնի Մարաշի ասեղնագործության բաց դաս՝ Շիրակի մարզի Փանիկ գյուղի գյուղապետարանում։

Անհրաժեշտ բոլոր պարագաները կտրամադրվեն տեղում։ Դասավանդվելու է Մարաշի հյուսված կար։

Մուտքն ազատ է, սակայն անհրաժեշտ է նախապես գրանցվել հետևյալ հղումով:

Հարցերի դեպքում կարող եք կապ հաստատել․

[email protected]
+37494548987, +37493629421։

banaxosutyun-joxovrdakan-arvestneri-tangaranum

Բանախոսություն Ժողովրդական արվեստների թանգարանում՝ նվիրված անվանի ազգագրագետ Սերիկ Դավթյանին

Հայտարարություններ

Փետրվարի 18-ին, ժամը 19։00-ին Ժողովրդական արվեստների թանգարանում տեղի կունենա բանախոսություն՝ նվիրված անվանի արվեստագետ, ազգագրագետ, ՀՍՍՀ արվեստի վաստակավոր գործիչ Սերիկ Դավթյանի (1893-1978) հիշատակին. բանախոս՝ պատմաբան, Սերիկ Դավթյանի կենսագիր Մերի Քեշիշյան:

Սերիկ Դավթյանն ապրել է դժվար, բայց հետաքրքիր կյանք, որը չգրված վեպի էր նման, անհատնում ժանյակի։ Երախտաշատ գիտնականը, ինքն էլ լինելով ստեղծագործող վարպետ, տարիներ շարունակ մեծ ջանասիրությամբ, մասունք առ մասունք հավաքել ու կորստից փրկել է հայ կիրառական արվեստի նմուշներ (գորգեր, կարպետներ, ասեղնագործություններ, ձեռագործ տարբեր աշխատանքներ):

Մեծ է եղել Սերիկ Դավթյանի անվանի մտերիմների շրջանակը. նրանցից շատերի հետ ամուր բարեկամությունը պահել է ողջ կյանքի ընթացքում: Հետաքրքրական է Հովհաննես Թումանյանի, Ավետիք Իսահակյանի և ակադեմիկոս Նորայր Սիսակյանի հետ ունեցած բարեկամությունը, որոնց ճանաչել է պատանեկան տարիքից: Նրանցից յուրաքանչյուրի հետ կապված է նաև մեկ ձեռագործի հետաքրքիր պատմություն, որոնց մասին ևս կխոսվի դասախոսության ընթացքում:

Դասախոսության մուտքն անվճար է:

ք. Երևան, Աբովյան 64 (Աբովյան պուրակ)

asexnagorcutyan-bac-das

Ասեղնագործության բաց դաս Արզականում

Հայտարարություններ

Փետրվարի 12-ին, ժամը 11։00-ին «Խորոտ»-ը կանցկացնի Մարաշի ասեղնագործության բաց դաս՝ Կոտայքի մարզի Արզական գյուղի Մշակույթի տանը։

Անհրաժեշտ բոլոր պարագաները կտրամադրվեն տեղում։ Դասավանդվելու է Մարաշի հյուսված կար։

Մուտքն ազատ է, սակայն անհրաժեշտ է նախապես գրանցվել հետևյալ հղումով. https://forms.gle/xNwSRX3ESqi498GN8։

Հարցերի դեպքում կարող եք կապ հաստատել․

[email protected]

+37494548987, +37493629421։

tearnyndaraj

«Գառնի» և «Լոռի բերդ» արգելոցներում կնշվի Տյառնընդառաջը

Հայտարարություններ

Փետրվարի 13-ին, ժամը 17:00-ին, «Գառնի» պատմամշակութային արգելոց-թանգարանում և «Լոռի բերդ» քաղաքատեղի» պատմամշակութային արգելոցում կնշվի Հայ Առաքելական եկեղեցու տերունական տոներից մեկը` Տյառնընդառաջը:

«Գառնի» արգելոց-թանգարանում նախանշված միջոցառումը կմեկնարկի Գառնի համայնքի Սուրբ Խաչ եկեղեցուց: Մասնակիցները եկեղեցու կանթեղներից վերցված կրակով ու ազգային երգ-երաժշտության ուղեկցությամբ կշարժվեն արգելոց-թանգարան, որտեղ միջոցառման համար առանձնացված հատուկ վայրում կվառվի Տյառընդառաջի խարույկը:

«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնաճյուղ «Լոռի բերդ» քաղաքատեղի» պատմամշակութային արգելոցում ևս միջոցառումը կսկսվի ժամը 17։00-ին։ Խարույկը կվառվի արգելոցի տարածքում՝ հատուկ առաձնացված վայրում։

Կատարումներով հանդես կգան ավանդական երգի-պարի ճանաչված համույթները։

«Գառնի» պատմամշակութային արգելոց-թանգարանում և «Լոռի բերդ» քաղաքատեղի» պատմամշակութային արգելոցում նախանշված միջոցառման նպատակը՝ ազգային, ավանդական տոները պահպանելով, հուշարձանը ժողովրդին ավելի մոտեցնելն ու մշակութային ժառանգության նկատմամբ հոգատար վերաբերմունք ձևավորելն է։

Մուտքը՝ պատմամշակութային արգելոց և արգելոց-թանգարան այցելության համար նախատեսված տոմսերով։

surb-sargsi-tony-tangarannerum

Սուրբ Սարգսի տոնը Հայոց ազգագրության թանգարանում

Հայտարարություններ

Փետրվարի 12-ին, ժամը 12։00-ին «Սարդարապատի հուշահամալիր․ Հայոց ազգագրության թանգարան»-ում կնշվի Սուրբ Սարգսի տոնը։

Ծրագրում․

  1. Սուրբ Սարգսի տոնի խորհրդի բացատրություն
  2. Աղի բլիթի պատրաստման վարպետաց դաս
  3. Թոնրի գաթայի համտես։

Մասնակցության արժեքը՝ 1500դր․։

razmapareri-usucman-bac-das

Ռազմապարերի ուսուցման բաց դաս․ Հայաստանի պատմության թանգարան

Հայտարարություններ

Հունվարի 29-ին՝ ժամը 16:00-ին, Հայաստանի պատմության թանգարանի կամարաշարի ներքո տեղի կունենա հայոց բանակի կազմավորման 30-ամյակին նվիրված ցուցադրության բացում՝ «Բանակի ակունքներում» խորագրով: Ցուցադրության շրջանակում մեծադիր պաստառների վրա կներկայացվեն ազգային բանակի կայացման հիմքում կարևոր դերակատարություն ունեցած ռազմական գործիչների, նրանց պատկանող անձնական իրերի և փաստաթղթերի լուսանկարներ, որոնց մեծ մասը ի պահ է տրված Հայաստանի պատմության թանգարանին:

Ցուցադրության բացմանը կհաջորդի ռազմապարերի ուսուցման բաց դասը, որը կանցկացնի «Կարին» ավանդական երգի և պարի համույթի գեղարվեստական ղեկավար, ՀՀ մշակույթի վաստակավոր գործիչ Գագիկ Գինոսյանը: