Հովհ. Թումանյանի թանգարանը «ԶԱՐԴ» մշակութային ՀԿ-ի հետ համատեղ մեկնարկել է հայկական ասեղնագործության ուսուցման խմբակը, որտեղ ուսանողները, աշակերտներն ու տնային տնտեսուհիները, տարբեր մասնագիտությամբ հայուհիներ հնարավորություն ունեն լավագույն վարպետների օգնությամբ բացահայտելու եւ տիրապետելու ասեղի ու թելի խորհրդավոր գաղտնիքներին։
Դասընթացն անցկացվում է Հովհ. Թումանյանի թանգարանում:
Գրանցվելու և այլ մանրամասների համար կարող եք զանգահարել 010560021 հեռախոսահամարով։
Ժողովրդական արվեստների թանգարանը, ՀՀ ԿԳՄՍ նախարարության աջակցությամբ, թանգարանի դպրոցում՝ Ինքնության դարբնոցում, իրականացնում է փայտարվեստի անվճար դասընթացներ մարտական գործողություններին մասնակցած զինծառայողների համար։
Դասընթացների արդյունքում մասնակիցները ձեռք կբերեն փայտամշակման, փայտի գեղարվեստական փորագրության գիտելիքներ և գործնական հմտություններ։
Ծրագրի տևողությունը՝ 6 ամիս /շաբաթական 2 անգամ/։
Երևանում դասերն անցկացվում են թանգարանի փայտարվեստի ցուցասրահում /ք․ Երևան, Պարոնյան 4/՝ անմիջապես ոլորտի լավագույն աշխատանքների միջավայրում։ Առկա է նաև թեքահարթակ։
Լավ արդյունքներ ցուցաբերած մասնակիցներին թանգարանը կաջակցի՝ շուկայում իրացնելու իրենց ստեղծած փայտե աշխատանքները։
Ծրագրի ընթացքում կկազմակերպվեն օգտակար հանդիպումներ և քննարկումներ՝ տարբեր մասնագետների հետ։
Ցանկության դեպքում ծրագրին կարող են մասնակցել նաև զինծառայողի ընտանիքի անդամները /դասավանդվում են փայտարվեստ, ասեղնագործություն, կարպետագործություն/։
️Դասընթացի մասնակիցների և նրանց ընտանիքի անդամների համար թանգարանը կկազմակերպի անվճար էքսկուրսիաներ թանգարանում /ք․ Երևան, Աբովյան 64/։
Ծրագրի ավարտին տեղի կունենա ամփոփիչ ցուցահանդես։
Ծրագրին մասնակցելու համար զանգահարել 077124035։
Տեղերը սահմանափակ են։
️Ժողովրդական արվեստների թանգարանն արդեն երկրորդ տարին է իրականացնում այս սոցիալական կրթամշակութային ծրագիրը՝ մարտական գործողություններին մասնակցած զինծառայողների, նրանց ընտանիքի անդամների, սոցիալական աջակցության կենտրոններում խնամք ստացող երեխաների և ծերերի համար։
Ապրիլի 7-ին, ժամը 18։30-ին, Հովհաննես Շարամբեյանի անվան ժողովրդական արվեստների թանգարանում տեղի կունենա ՀՀ ոչ նյութական մշակութային ժառանգության նոր շտեմարանի շնորհանդեսը:
ՀՀ ԿԳՄՍ նախարարությունը մշտապես ուշադրության կենտրոնում է պահում ոլորտի հետ կապված խնդիրները, քանի որ ոչ նյութական մշակութային ժառանգության պահպանությունը ՀՀ մշակութային պետական քաղաքականության հիմնական ուղղություններից է: Դեռ 2016 թվականից ոչ նյութական մշակութային ժառանգության ոլորտի հանրահռչակման նպատակով գործում է «Հայաստանի Հանրապետության ոչ նյութական մշակութային ժառանգություն» կայքէջը։ Ներկայում թանգարանը՝ որպես այս ոլորտը համակարգող պետական կառույց, ՀՀ ԿԳՄՍ նախարարության խորհրդատվական աջակցությամբ հանրությանը կներկայացնի www.int-heritage.am հասցեում գործող ՀՀ ոչ նյութական մշակութային ժառանգության նորացված շտեմարանը՝ նոր դիզայներական լուծումներով և համալրված բաժիններով:
Նոր շտեմարանի շնորհանդեսի շրջանակում տեղի կունենա մարտի 10-28-ը «Շարժայի ժառանգության օրեր» ամենամյա հեղինակավոր փառատոնին պատվավոր հյուրի կարգավիճակով Հայաստանի մասնակցությամբ իրականացված միջոցառման ամփոփումը, քանի որ այն կարևոր իրադարձություն էր Հայաստանի ոչ նյութական մշակութային հարուստ ժառանգության միջազգային հանրահռչակման ուղղությամբ:
Ապրիլի 30-ին, ժամը 17։00-ին նկարիչ տիկնիկագործ Արմեն Հովհաննիսյանի թատրոնը կհյուրընկալվի Փարաջանովի թանգարանում՝ ցուցադրելու «Տիկնիկների կոլաժ» ներկայացումը, որի ընթացքում հանդիսատեսը «կտեղափոխվի» հին Թիֆլիս, կշփվի ուրախ կինտոների, Փարաջանովի հարևան մադամ Ժերմենի հետ: Կլինեն նաև Շառլ Ազնավուրը, քոչարի պարողները ու էլի շատ կերպարներ: Նրանք բոլորը կհամախմբվեն ու կփորձեն կտրել ձեզ իրականությունից, իսկ հեքիաթի վերջում երեք խնձորի փոխարեն մի մեծ նուռ կընկնի։
Մուտքն ազատ է:
Ապրիլի 7-ից Հայաստանի պատմության թանգարանում կբացվի ցուցահանդես «Դրվագներ ինքնության. զարդ» խորագրով:
Ցուցահանդեսում ներառված են լինելու Հայաստանի պատմության թանգարանի հավաքածուից ընտրված 18-20-րդ դարերի զարդեր՝ ապարանջաններ, վզնոցներ, գոտիներ, գլխազարդեր և այլն, ինչպես նաև հայ վարպետների աշխատանքային գործիքներ ու ազգագրական լուսանկարներ:
Զարդերը կարևոր դեր են կատարում ազգային մշակույթի պահպանման և հանրահռչակման գործում և ցույց են տալիս ազգային գեղագիտական ընկալումները, զգացողությունը, ճաշակն ու ոճը:
Ցուցահանդեսի նպատակն է բացահայտել և ներկայացնել, թե հայերը ինչպես և ինչպիսի զարդեր են կրել, ինչ իմաստ ու նշանակություն են ունեցել դրանք, ինչպես են հայկական զարդերը տարածվել տարբեր երկրներում, և որ ամենակարևորն է՝ ժամանակակից հայ վարպետների ուշադրությունը հրավիրել ազգային արվեստի ակունքներին:
Ասեղնագործության և կարպետագործության ուսուցումը «Երկարակեցության կենտրոնում» շարունակվում է։ Նախորդ ծրագիրը մեծ արձագանք առաջացրեց իր սպասելի և անսպասելի արդյունքներով, իսկ այսօր հնարավորություն կա խումբն ընդլայնելու։
Եթե 65+ տարեկան եք կամ ունեք այդ տարիքի հարազատ, որը ցանկանում է պահպանել իր ֆիզիկական և մտավոր ակտիվությունը, պատրաստ է նոր հմտություն յուրացնել, բացահայտել իր ռեսուրսները և ի գործ դնել դրանք, զանգահարեք․ «Երկարակեցության կենտրոնում» ընդունելությունը բաց է։
«Տարեցների փորձը և մշակութային կրթությունը ի նպաստ զարգացման» ծրագիրն իրականացվում է ՀՀ կրթության, գիտության, մշակույթի և սպորտի նախարարության աջակցությամբ, իսկ ուսուցիչը տաղանդավոր, Հայաստանը բազմաթիվ միջազգային մշակութային միջոցառումների ընթացքում ներկայացրած ժողովրդական վարպետ Արմինե Խաչատրյանն է (Galanthus):
Սունդուկյան 70, Արաբկիր, Երևան
041 703 103 / 060 903103
[email protected]
www.GERONTOLOGY.am
Ապրիլի 1-ին՝ ժամը 19։00-ին, Բարձունք կենտրոնում տեղի կունենա «Մեր երգերը և մենք» նախաձեռնության հերթական միջոցառումը:
Այս անգամ միջոցառման հյուրն է լինելու «Մխիթար Սեբաստացի» կրթահամալիրի «Ակներ» ազգային երգ ու պարի համույթը՝ խմբի ղեկավար Աննա Երիցյանի գլխավորությամբ։
Մուտքն ազատ է։
Ապրիլի 2-ին, ժամը 13։00-ին «Խորոտ»-ը կանցկացնի Մարաշի ասեղնագործության բաց դաս՝ «Իրական դպրոց» ԿՀ-ի Վանաձորի մասնաճյուղում (հասցե՝ ք.Վանաձոր, Վարդանանց 11/բ)։
Անհրաժեշտ բոլոր պարագաները կտրամադրվեն տեղում։ Դասավանդվելու է Մարաշի հյուսված կար։
Մուտքն ազատ է, սակայն անհրաժեշտ է նախապես գրանցվել հետևյալ հղումով:
Հարցերի դեպքում կարող եք կապ հաստատել․
[email protected]
+37494548987, +37493629421։
Առաջին անգամ Երևանում` Ռուսական արվեստի թանգարանում, մարտի 23-ից հունիսի 15-ը կանցկացվի «Սամովար (‹‹Ինքնաեռ››)» խորագիրը կրող ցուցահանդեսը:
Յուրահատուկ այս ցուցադրության շրջանակում կներկայացվեն Հայաստանի տարբեր թանգարաններից և մասնավոր հավաքածուներից 19-րդ և 20-րդ դարի ինքնաեռներ, որոնք մշակութային, պատմական, ինչպես նաև գեղարվեստական արժեք ունեն։
Թանգարանի այցելուները հնարավորություն կունենան ծանոթանալու ինքնաեռի պատմությանը, ձևերին, դրանց հետ կապված ավանդույթներին, ինչպես նաև այն բանաստեղծություններին, որոնցում ռուս մեծ բանաստեղծները հիշատակել են ժողովրդի կողմից այդքան սիրված կենցաղային առարկան։
Կցուցադրվեն ինքնաեռներ ռուսական հայտնի գործարանների` Բատաշյովների, Վորոնցովների, Գուդկովի, Շեմարինների արտադրանքները։ Ռուսական գործարանային արտադրանքի կողքին իր արժանի տեղն է գրավում Նոր Ջուղայի հայ վարպետի ստեղծած յուրահատուկ ձեռակերտ ինքնաեռը։
Այցելուները կտեսնեն նաև հայ բանաստեղծների և գրողների` Հ. Թումանյանի, Ե. Չարենցի, Սիամանթոյի և Գ. Սունդուկյանի անձնական ինքնաեռները։
Ցուցահանդեսը կլրացվի Ռուսական արվեստի թանգարանի թեմատիկ կտավներով։
Նշենք, որ այս ցուցահանդեսը միջթանգարանային համագործակցության լավագույն օրինակ է, որտեղ ներկայացվում են ինքնաեռներ Հայաստանի պատմության թանգարանի, Հայոց ազգագրության և ազատագրական պայքարի պատմության ազգային թանգարանի, Երևան քաղաքի պատմության թանգարանի, Ե. Չարենցի անվան գրականության և արվեստի թանգարանի, Միջին Արևելքի թանգարանի, Հ. Թումանյանի թանգարանի և Ե. Չարենցի տուն-թանգարանի հավաքածուներից։
Տեղեկացնենք նաև, որ ցուցահանդեսի ընթացքում կկազմակերպվեն թեմատիկ դասախոսություններ, կրթական ծրագրեր, ինչպես նաև թեյախմության երեկոներ (ծրագրերին մասնակցությունը՝ նախապես գրանցմամբ)։
Դասընթացներին կարող եք գրանցվել հղումով կամ զանգահարել 098250804, 097550857 հեռախոսահամարներով։
Դասերը տեղի են ունենալու երկուշաբթիից ուրբաթ` 10:00-16:00-ն ընկած ժամանակահատվածում։
Յուրաքանչյուր դիմորդ կմասնակցի 1 ամիս տևողությամբ։
Դասընթացները տեղի են ունենալու Ստեփանակերտ քաղաքում։
Դասընթացներն անվճար են, մասնակիցներին տրանսպորտային միջոցը կտրամադրվի անվճար։