heqiat

Արարի՛ր քո հեքիաթը

Իրադարձություններ

Հեքիաթը ժողովրդական բանահյուսության ամենասիրված տեսակներից մեկն է, որը դեռ մանկուց բոլորիս կյանքի ուղեկիցն է եղել։ Իսկ ինչու՞ ինքներս չփորձենք արարել մե՛ր հեքիաթը, այն էլ հրաշքի սպասումներով լի Ամանորին և Սուրբ Ծնունդին ընդառաջ։ Գուցե ստացվի, գուցե փոխենք իրականությունը։ Հովհ․ Շարամբեյանի անվան ժողովրդական արվեստների թանգարանը 3-100 տարեկան բոլոր բոլորին առաջարկում է արարել իրենց հեքիաթը, որի հերոսների շարքում անպայման պետք է լինի բազմախորհուրդ ու իմաստուն Վիշապագորգը։

Ուղարկի՛ր քո հեքիաթը [email protected] էլ․փոստին մինչև 2021 թ.-ի հունվարի 8-ը։ 2021 թվականին լավագույն հեքիաթները կնկարազարդվեն, կտեղադրվեն մեր էջում և կտպագրվեն։

Հավատանք հրաշքին, ստեղծե՛նք հրաշքը:
Հաղթահարենք ու հաղթենք մշակույթով։

sofia

Սոֆիայի կենտրոնի առցանց համաժողովը՝ ՅՈՒՆԵՍԿՕ-ի ոնմժ պաշտպանության մասին կոնվենցիայի շրջանակում

Իրադարձություններ

Սոֆիայի կենտրոնի առցանց համաժողովը՝ ՅՈՒՆԵՍԿՕ-ի ոչ նյութական մշակութային ժառանգության պաշտպանության մասին կոնվենցիայի շրջանակում

ՅՈՒՆԵՍԿՕ-ի հովանու ներքո գործող Հարավարևելյան Եվրոպայի ոչ նյութական մշակութային ժառանգության տարածաշրջանային կենտրոնի (Սոֆիայի կենտրոն) նախաձեռնությամբ տեղի է ունեցել կենտրոնի ամենամյա գլխավոր համաժողովը:

Միջոցառմանը մասնակցել են Բուլղարիայի Հանրապետության և 14 անդամ պետությունների (Հայաստան, Ալբանիա, Խորվաթիա, Կիպրոս, Վրաստան, Հունաստան, Մոնտենեգրո, Ռումինիա, Մոլդովա, Սերբիա, Սլովենիա, Ուկրաինա, Իտալիա) մշակութային ժառանգության ոլորտը համակարգող պետական, գիտական, մշակութային կազմակերպությունների, ՅՈՒՆԵՍԿՕ-ի ազգային հանձնաժողովների ներկայացուցիչներ, ոչ նյութական մշակութային ժառանգության փորձագետներ։

Հայաստանի Հանրապետությունից համաժողովին մասնակցել են ՀՀ ԱԳՆ Բազմակողմ քաղաքականության և զարգացման համագործակցության վարչության ՅՈՒՆԵՍԿՕ-ի ու բազմակողմ կրթամշակութային համագործակցության բաժնի երկրորդ քարտուղար Ա. Հակոբյանը և ՀՀ ԿԳՄՍ նախարարության մշակութային ժառանգության և ժողովրդական արհեստների վարչության գլխավոր մասնագետ Ն. Կիլիչյանը։

Հանդիպման օրակարգի հիմնական հարցերն էին Սոֆիայի կենտրոնի 2019 թ.-ի բովանդակային և ֆինանսական հաշվետվությունների, քովիդ-19 համավարակով պայմանավորված 2020-2021 թթ. աշխատանքային ծրագրերի փոփոխությունները և բյուջեի քննարկումները, ինչպես նաև առկա իրավիճակում ոչ նյութական մշակութային ժառանգության պահպանության մարտահրավերներն ու խնդիրները։

Հանդիպման արդյունքում մատնանշվել են ոչ նյութական մշակութային ժառանգության պահպանությանն ուղղված մի շարք գիտական, կրթական ու մշակութային ծրագրերի իրականացման առաջնահերթությունները և դրանց շարունակականությունն ապահովելու անհրաժեշտությունը։

sasna

Էպոսը ճանաչվեց որպես համամարդկային մշակութային արժեք

Իրադարձություններ

#Մշակութային_արժեք #ՅՈՒՆԵՍԿՕ_ի_ոչ_նյութական_մշակութային_ժառանգության #Սասունցի_Դավիթ

2012 թվականի դեկտեմբերի 5-ին «Սասնա ծռեր կամ Սասունցի Դավիթ էպոսի կատարողական դրսևորումները» հայտն ընդգրկվեց ՅՈՒՆԵՍԿՕ-ի ոչ նյութական մշակութային ժառանգության արժեքների ցանկում։ https://is.gd/1LtmUy , https://is.gd/V9PQJA

ԷՊՈՍԸ ՃԱՆԱՉՎԵՑ ՈՐՊԵՍ ՀԱՄԱՄԱՐԴԿԱՅԻՆ ՄՇԱԿՈՒԹԱՅԻՆ ԱՐԺԵՔ։

«Սասունցի Դավիթ» էպոսը համարվում է ազգային ֆոլկլորը ներկայացնող ամենակարեւոր աշխատություններից մեկը, որը յուրահատուկ հանրագիտարան-պահոց է հայ ժողովրդի, նրա կրոնի, փիլիսոփայության, ավանդույթների մասին: Սասնա ծռեր» կամ «Սասունցի Դավիթ» հայ ժողովրդի ազգային դյուցազնավեպը վիպասացների և բանահավաքների կողմից կոչվել է նաև «Սասնա փահլևաններ», «Սասնա տուն», «Ջոջանց տուն», «Սասունցի Դավիթ կամ Մհերի դուռ», «Դավիթ և Մհեր», «Դավթի պատմություն», «Դավթի հեքիաթ» և այլն։ Ներկայացնում ենք ՀՀ ԳԱԱ Հիմնարար գիտական գրադարանի «Սասնա Ծռեր» էլեկտրոնային շտեմարանը, որտեղ ընդգրկված վիպասանների պատումները վերցված են ՀՀ ԳԱԱ Հնագիտության և ազգագրության ինստիտուտի և ՀՀ ԳԱԱ Հիմնարար գիտական գրադարանի արխիվից։

karmir

«Առածանի» ցուցահանդեսը ներկայացնում է 100 հայկական ասացվածքների՝ 100 նկարիչների պատկերազարդումներ

Իրադարձություններ

ՀՀ #ԿԳՄՍ նախարարության աջակցությամբ, Հայաստանի նկարիչների միությունը իրականացնում է «#Առածանի» արտ-նախագծի խմբակային ցուցահանդեսը, որի շրջանակում ներկայացվում են 100 հայկական ասացվածքների՝ 100 հայ նկարիչների պատկերազարդումները: Ցուցադրության բացումը տեղի է ունեցել այսօր՝ դեկտեմբերի 5-ին, նկարիչների միության մեծ դահլիճում և կգործի մինչև դեկտեմբերի 10-ը:

 «Սարեր» մշակութային ՀԿ-ի նախագահ-համահիմնադիր, «Առածանի» արտ-նախագծի հեղինակ Էռնա Ռևազովայի խոսքով՝ «Առածանին» հայոց աշխարհի բոլոր ծայրերից հավաքված ավելի քան 2000 ասացվածքներն են, որոնցից ընտրվել են 100-ը և առաջարկվել հայ նկարիչներին պատկերազարդել դրանք:
 
Հայ ժողովրդի՝ հազարամյակների քննությունն անցած պատգամներն ուսումնասիրել, հավաքել և նախորդ դարակեսին հրատարակել է Արամ Ղանալանյանն իր «Հայկական առածանի» ժողովածուում, որի անվանումն էլ փոխառվել է արտ-նախագծի համար։
 

«Մենք բոլորս գիտենք և գործածում ենք այս ասացվածքները։ Երբեմն հեգնական, հաճախ զվարճալի այս թևավոր խոսքերը մեր ժողովրդի իմաստության ցուցանիշն են։ Հայկական ասացվածքների աշխարհը հարուստ ու բազմազան է, նաև՝ շատ ցայտուն։ Նախագծի ներշնչանքի աղբյուրը հոլանդացի վարպետ Պիտեր Բրեյգել Ավագի «Գլխիվայր աշխարհը» ստեղծագործությունն է, որտեղ արվեստագետը ներկայացրել է ավելի քան հարյուր ֆլամանդական առած-ասացվածք»,- հավելել է նախագծի հեղինակը:

 «Այս նախագիծն իրոք բացառիկ է, քանի որ մեկ թեմայով միավորված այսքան շատ ստեղծագործություն, իրապես, մարտահրավեր էր մեզ համար։ Բայց միության նկարիչները մեծ խանդավառությամբ ընդունեցին այս գաղափարը, ինչպես նաև ԿԳՄՍ նախարարության դրամաշնորհային ծրագրի մասնագետները, ովքեր մեզ վստահեցին պետական դրամաշնորհը»,- նշել է Հայաստանի նկարիչների միության նախագահ Սուրեն Սաֆարյանը և հավելել, որ նախագծին մասնակցել են շատ տարբեր նկարիչներ՝ հայտնի, և ոչ այնքան, նկարիչների միության անդամ հանդիսացող, և անկախ արտիստներ, ավագ և երիտասարդ սերնդի ներկայացուցիչներ։ Ամեն մեկը յուրովի է պատկերել իրեն բաժին հասած ասացվածքը։
344589_6be6772d7f414803948bc63f4e29e4eb_mv2
344589_bb85e331768547ffa0a546020474a763_mv2
344589_60e92491090c4efc97844a01e7c959e7_mv2
cucahandes

Ցուցահանդես ՆԱՄ-ում | Exhibition at NAI

Իրադարձություններ

«Նարեկացի» արվեստի միությունը՝ համագործակցելով «Հրայր և Աննա Հովնանյան» հիմնադրամի հետ, 2020 թվականի հունիսի 1-ից մինչև դեկտեմբերի 1-ը, «Նարեկացի» արվեստի միության Երևանի մասնաճյուղում սփյուռքահայ երեխաների և պատանիների համար անվճար հիմունքներով իրականացրեց երգի և նկարչության դասընթացներ, իսկ ՆԱՄ-ի Շուշիի մասնաճյուղում՝ կարպետագործության և կավագործության դասեր, որոք, ցավոք, հայտնի պատճառներով, կիսատ մնացին:

«Հնարավորություններ երիտասարդների համար» ծրագրի շրջանակում նոյեմբերի 29-ին «Նարեկացի» արվեստի միության երևանյան մասնաճյուղում տեղի ունեցավ նկարչության դասընթացների մասնակիցների հաշվետու ցուցահանդեսը:

Միջոցառմանը միության կողմից երեխաներին բաժանվեցին քաղցրավենիքներ:

Ելույթի խոսքով հանդես եկավ «Նարեկացի» արվեստի միության հիմնադիր Նարեկ Հարությունյանը՝ շնորհակալ լինելով «Հրայր և Աննա Հովնանյան» հիմնադրամին այս հնարավորության համար:

-«Նարեկացի» արվեստի միությունը՝ անկախ համավարակից, անկախ ստեղծված ծանր ժամանակներից, փորձեց, չնայած դժվարություններին, շարունակել իր գործունեությունը: Այս ծրագրի շրջանակում երեխաները բացահայտեցին իրենց կարողությունները՝ ստեղծելով հիանալի նկարներ. լավ կլիներ, որ նրանք հետագայում էլ զբաղվեին նկարչությամբ,-նշեց Նարեկ Հարությունյանը:

Հովնանյան Հիմնադրամը պաշտոնապես ստեղծվել է 1986թ. և իր առաքելությունն է հռչակել՝ ի աջակցություն մշակութային, կրթական, հոգևոր, գիտական, գրական և այլ հարակից ոլորտների զարգացմանը:

344589_cfbdecd0de5c4183b9408be4644e2a08_mv2
344589_55abe8b630c549c98dd39a03ac63364a_mv2
344589_3e5e440898384f8ab964fbd6d0e13019_mv2
344589_c2e842e0fdbd4bcdbd5d968b12815feb_mv2
arcaxi-guyner

«Արցախի գույները» ձեռագործ իրերի տոնավաճառ

Իրադարձություններ

Նոյեմբերի 20-ից «Դալմա Գարդեն մոլ»-ում մեկնարկել է «Արցախի գույները» ձեռագործ իրերի տոնավաճառ, որտեղ ներկայացված են արցախահայերի ձեռագործ աշխատանքները: Տեղեկացնում ենք, որ տոնավաճառին մասնակցում է նաև Teryan Cultural Center-ը՝ ներկայացնելով «Պատրաստում են արցախցի կանայք» նախագիծը։

 


Արցախյան ուտեստների պատրաստման նախագիծը ստեղծվել է «Տերյան մշակութային կենտրոն»-ի նախաձեռնությամբ և մի խումբ անհատների աջակցությամբ «Մեր Տունը» ռեստորանային համալիրի հյուրընկալ հարկի ներքո։
Արցախից եկած կանայք պատրաստում են արցախյան թթուներ, ավանդական ճաշատեսակներ, քաղցրավենիք, մուրաբաներ: Նախագծի նպատակն է ստեղծել աշխատատեղեր, բարելավել մեր հայրենակիցների հոգեբարոյական վիճակը։

 

Սիրով սպասում ենք Համեցեք գնումների

 

344589_66111ae4e7c84c4c8140301ba6d4c958_mv2
344589_e52861983b09493d8a18d2466994898d_mv2
344589_77e5f1779baa4e86a8871f21b404719d_mv2
haykakan-gorcg

Հայկական գորգի ազգային կենտրոնը կազմակերպում է իր հավաքածուի գորգերից խորհրդանշական վաճառք

Իրադարձություններ

Հայկական գորգի ազգային կենտրոնը կազմակերպում է իր հավաքածուի գորգերից խորհրդանշական վաճառք:

Վաճառված գորգերի հասույթը ամբողջությամբ կուղղվի Շուշիի Սուրբ Ամենափրկիչ Ղազանչեցոց եկեղեցու գորգի և խորանի վարագույրի պատրաստման աշխատանքներին, որն իրականացնելու են արցախցի գորգագործները և ասեղնագործող վարպետները:

Հայ առաքելական եկեղեցու Արցախի թեմի առաջնորդ Պարգև արքեպիսկոպոսի՝ Սուրբ Ամենափրկիչ Ղազանչեցոց եկեղեցու խոցման մասին խոսքերն առավել քան պարտավորեցնող էին: Սրբազանի թույլտվությամբ Սուրբ Ամենափրկիչը հայկական ձեռագործ նոր գորգ և խորանի վարագույր կունենա, նորից կունենա:

Հաղթելու հրամայականը յուրաքանչյուրիս պարտականություն է ու հաղթելու ենք միասնությամբ՝ բոլոր ճակատներում: Մեկընդմիշտ վերակառուցելու ենք մեր դարավոր վանքերը, շեներն ու քաղաքները։

344589_db15df0e466943b1b05890aa196b07da_mv2
344589_192266831e2f4fc98e0a0d29341254d1_mv2
344589_ee296b763b9e48a7b0b2daaf3b9d37f5_mv2
344589_39581fc6aef14766948b9aa9e15128af_mv2
344589_d0fbc1e98239421884d7add310a35ce7_mv2
344589_7ec692df407c4d1a8e4f44208913610d_mv2 (1) (1)
344589_8cc07c891e10470a99af237c5e1ca645_mv2 (1)
gutan-2020

«Գութան» փառատոնը Տավուշում

Իրադարձություններ

ՀՀ ԿԳՄՍ նախարարության աջակցությամբ՝ սեպտեմբերի 25-26-ը Տավուշի մարզի սահմանապահ 13 համայնքներում՝ Բաղանիս, Կոթի, Բերդավան, Ոսկեպար, Բերքաբեր, Վազաշեն, Պառավաքար, Այգեպար, Ներքին Կարմիրաղբյուր, Արծվաբերդ, Մովսես, Այգեպար, Չինարի և Բերդ քաղաքում կայացավ Հայաստանի ավանդական երգի-պարի «Գութան» ամենամյա փառատոնը: Փառատոնին այս տարի մասնակցում էր 13 համույթ: «Ակունք», «Սասնա Ծռեր», «Վան», «Արդվին», «Մասունք, «Նուբար», «Վերադարձ», «Գորանի», «Վարք Հայոց», «Սեբաստացիներ», «Մարաթուկ», «Արեգ» և «Մարաթուկցիներ» ազգագրական խմբերը ելույթներ ունեցան սահմանապահ համայնքներում՝ մեկ խումբ՝ մեկ համայնք ձևաչափով, այնուհետև, բոլոր խմբերը միասին ելույթ ունեցան Բերդում, որտեղ կայացավ գլխավոր համերգը:

 «Շուրջ 250 արտիստներ իրենց ավանդական, հայրենասիրական, ոգեկոչող և ժողովրդական երգ ու պարով նոր տրամադրություն հաղորդեցին մեր սահմանապահ տավուշցիներին ու զինվորներին, որի կարիքը կա հատկապես հուլիսյան իրադարձություններից հետո»,- նշել է Արսեն Գրիգորյանն ու հավելել, որ համավարակի պատճառով արտիստները ստեղծագործական դադար ունեցան և հիմա «Գութանի» շնորհիվ իրենց կուտակած ողջ սերն ու էներգիան փոխանցեցին սահմանապահ տավուշցիներին: Փառատոնի ընթացքում պահպանվել են հակահամաճարակային բոլոր կանոնները:
gyuxakan-kyanqi-paraton

Մեկնարկել է Գյուղական կյանքի և ավանդույթների 7-րդ փառատոնը

Իրադարձություններ

«Կրթության դերը կանաչ տնտեսության, տեխնոլոգիական գյուղատնտեսության մեջ հատկապես կարևոր է երիտասարդների ներգրավվման տեսանկյունից։ Ապրելով սեփական գյուղում և համայնքում՝ կարելի է ունենալ արժանապատիվ կյանք, շենացնել հարազատ երկրի քո անկյունը»,-ասել է ՀՀ ԿԳՄՍ նախարարի տեղակալ Արթուր Մարտիրոսյանը Ձորաղբյուր համայնքի ուսուցման կենտրոնում «Կանաչ արահետ» ՀԿ-ի՝ այսօր կազմակերպած Գյուղական կյանքի և ավանդույթների 7-րդ բացօթյա փառատոնի բացմանը` ողջունելով ներկաներին։

Նախարարի տեղակալը շնորհակալություն է հայտնել «Կանաչ արահետ» հասարակական կազմակերպությանը՝ երիտասարդների կարողությունների, կանաչ ագրոարդյունաբերության և տարածքների համաչափ զարգացման գործում երկարատև և հետևողական ջանքերի համար, ինչպես նաև ՀՀ-ում ԵՄ պատվիրակությանը, Ավստրիական զարգացման գործակալությանը և ծրագրի մյուս աջակիցներին։

Ա. Մարտիրոսյանի խոսքով՝ չնայած համավարակի դժվարություններին՝ փառատոնի մասնակիցների թիվը և աշխարհագրությունը բավականին մեծ է։ «Նմանատիպ փառատոնները լավ հնարավորություն են՝ համայնքային ավանդույթների վերակենդանացման առումով և, առհասարակ, ցանկացած փառատոն նպաստում է մեր ազգային մշակութային զարթոնքին»,-եզրափակել է նա։

Նշենք, որ փառատոնի հիմնական նպատակն է աջակցել Հայաստանում գյուղատնտեսության և գյուղական համայնքների կայուն զարգացմանը։ Փառատոնը եզակի հարթակ է, որտեղ ֆերմերները, արտադրողները, գնորդները, տարբեր կազմակերպություններ և պոտենցիալ դոնորներ հանդիպում են՝ փոխադարձ համագործակցություն և փորձի փոխանակում իրականացնելու նպատակ։

ՀՀ կրթության, գիտության, մշակույթի և սպորտի նախարարություն