Հայաստանի Հանրապետության Ոչ Նյութական Մշակութային Ժառանգություն
Հայկական Հանգույց. Գորգարվեստի Ավանդույթները
Միջազգային գիտաժողով
Երևան, 20-22 նոյեմբերի, 2013
Զեկույցների Դրույթներ
Հասկեր. Մանկական Գրականության և Բանահյուսության Տարեգիրք
Հրատարակվել է Հովհաննես Թումանյանի թանգարանի կողմից՝ Երևանի պետական համալսարանի հետ համագործակցությամբ:
Գյումրի Քաղաքի Դարբնոցային Մշակութային Ժառանգությունը
Աշխատանքը երաշխավորված է հրատարակության ՀՀ ԳԱԱ Հնագիտության և ազգագրության ինստիտուտի գիտական խորհրդի կողմից։
Աշխատանքը իրականացվել է ՀՀ Կրթության, գիտության, մշակույթի և սպորտի նախարարության կողմից «Ոչ նյութական մշակութային ժառանգության պահպանության ծրագրեր» անվանակարգով շնորհված դրամաշնորհային ծրագրի շրջանակում։
Նաիրա Կիլիչյան «Հայկական Ժողովրդական Բեմադրական Պարը» Գիրք
Հայկական պարարվեստով հետաքրքրվող հանրության, ուսանողների, պարի ուսուցիչների և պարագետների համար:
Գիրքը հայկական ժողովրդական պարի բեմական մշակման մասին ՀՀ ԳԱԱ արվեստի ինստիտուտում պաշտպանված թեկնածուական ատենախոսության (ղեկ. պգդ Էմմա Պետրոսյան) գրքային տարբերակն է, որը տպագրվել է 2009 թ. ՀՀ ԳԱԱ հնագիտության և ազգագրության ինստիտուտի «Հայ ազգագրություն և բանահյուսություն» մատենաշարում։
Գիրքը 20-րդ դարի սկզբի և մինչև 30-ական թվականներ հայ պարարվեստի մասին պատմամշակութային հետազոտություն է և կարևոր ուսումնասիրություն հայ էթնոպարագիտության բնագավառում։ Գրքում ներկայացվում են հայկական ժողովրդական պարի բեմական մշակման ընթացքը, առանձնահատկությունները, ժամանակաշրջանին բնորոշ ժանրերը, պարային ուղղությունները, դրսևորումները, հայ պարագիտության դպրոցի հիմնադիր Սրբուհի Լիսիցյանի կյանքն ու գործունեությունը և ազգային պարի տաղանդավոր բեմադրիչ Վահրամ Արիստակեսյանի ստեղծագործական գործունեությունը։ Աշխատությանը կից ներկայացվում են Ս. Լիսիցյանի և Վ. Արիստակեսյանի բեմադրած պարերի ցանկերը, հայ ժողովրդական բեմադրական պարարվեստի տարեգրությունը, ինչպես նաև անգլերեն և հունարեն ամփոփումներ, տարբեր արխիվներից հավաքված լուսանկարներ։
Ուսումնասիրությունը պարզաբանում է նաև պարարվեստով զբաղվողների շրջանակում տարածված «ժողովրդական և ազգագրական» եզրույթների ծագման և ձևավորման հարցերը։
Նաիրա Կիլիչյան «Հայկական Ժողովրդական Բեմադրական Պարը» Գիրք.pdf
Ուտելի Բույսերը Հայկական Խոհանոցում (Բաղադրատոմսեր)․ Շտեմարան
Սույն շտեմարանը պատրաստվել է «Եկենք խաղանք հայերեն» ծրագրի շրջանակներում:
Ծրագիրն իրականացվել է «ՀԿ Կենտրոն» քաղաքացիական հասարակության զարգացման ՀԿ-ի կողմից՝ ՀՀ Կրթության, գիտության, մշակույթի և սպորտի նախարարության ֆինանսական աջակցությամբ:
Ծրագրի նպատակն է՝ նպաստել ոչ նյութական մշակութային ժառանգության արժեքների պահպանությանը, կենսունակության պաշտպանությանն ու փոխանցմանը Լոռվա բնաշխարհին բնորոշ խոհանոցի և ավանդական խաղերի գույքագրման, շտեմարանների ստեղծման և առցանց տարածման միջոցով:
Սույն շտեմարանում ներկայացված են Լոռու մարզում տարածված և բնակիչների կողմից խոհանոցում օգտագործվող ուտելի բույսերը և վերջիններիս հիման վրա պատրաստվող կերակրատեսակները, ինչպես նաև որոշ հայկական ավանդական կերակրատեսակներ:
Շտեմարանը կազմվել է դաշտային աշխատանքների կատարման, թեմայի շուրջ առկա գրականության և աղբյուրների ուսումնասիրության և ոլորտում գործունեություն ծավալող անհատների հետ քննարկումների հիման վրա:
Ուտելի Բույսերը Հայկական Խոհանոցում (Բաղադրատոմսեր)․ Շտեմարան
«Եկեք Խաղանք Հայերեն» Ձեռնարկ
Սույն ձեռնարկը պատրաստվել է ՀՀ Կրթության, գիտության, մշակույթի և սպորտի նախարարության աջակցությամբ։ Ձեռնարկի բովանդակության համար պատասխանատվություն է կրում «ՀԿ Կենտրոն» քաղաքացիական հասարակության զարգացման հասարակական կազմակերպությունը։
Ձեռնարկի ստեղծման նպատակն է նպաստել ոչ նյութական մշակութային ժառանգության արժեքների պահպանությանը, վերակենդանացմանն ու փոխանցմանը գալիք սերունդներին՝ տեղանքին բնորոշ ավանդական խաղերի վերականգնման և ներկայացման միջոցով։
«Թագվորի՛ Մեր, Դու՛րս Արի» Հարսանեկան Կատակերգի Հորինվածքը Եւ Գործառնականությունը Ծեսում
Հոդվածի հեղինակ՝ Նվարդ Վարդանյան (բ.գ.թ. ՀԱԻ, ԵՊՀ):
Հոդվածը տպագրվել է ՀՀ ԳԱԱ ՀԱԻ «ՀՆԱԳԻՏՈՒԹՅԱՆ ԵՒ ԱԶԳԱԳՐՈՒԹՅԱՆ ԻՆՍՏԻՏՈՒՏԻ ԱՇԽԱՏՈՒԹՅՈՒՆՆԵՐ»-ի 3-րդ համարում:
«թագվորի՛ Մեր, Դու՛րս Արի» Հարսանեկան Կատակերգի Հորինվածքը Եւ Գործառնականությունը Ծեսում.pdf
Երաժշտաբանահիւսական Տարբեր Ժանրերի Փոխազդեցութիւնն Ու Փոխներթափանցումը Հայ Ժողովրդական Օրօրներում
Հոդվածի հեղինակ՝ Նայիրի Խաչատուրեան (ԿԹԻ):
Հոդվածը տպագրվել է ՀՀ ԳԱԱ ՀԱԻ «ՀՆԱԳԻՏՈՒԹՅԱՆ ԵՒ ԱԶԳԱԳՐՈՒԹՅԱՆ ԻՆՍՏԻՏՈՒՏԻ ԱՇԽԱՏՈՒԹՅՈՒՆՆԵՐ»-ի 3-րդ համարում:
Երաժշտաբանահիւսական Տարբեր Ժանրերի Փոխազդեցութիւնն Ու Փոխներթափանցումը Հայ Ժողովրդական Օրօրներում.pdf